بارہمولہ کے بونیار میں منشیات فروش گرفتار، چرس بر آمد:پولیس

سرینگر///
پولیس نے شمالی کشمیر کے ضلع بارہمولہ کے بونیار علاقے میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔
گرفتار شدہ کی شناخت غلام نبی ڈار ولد مرحوم محمد سبحان ساکن بابا گیل لمبر کے طور پر کی گئی ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن بونیار کی ایک ٹیم نے چک لمبر بونیار میں ایک ناکے کے دوران ایک شخص کو روکا۔
ترجمان نے کہا کہ تلاشی کے دوران اس کی تحویل سے۵۰گرام چرس جیسا مواد بر آمد کیا گیا جس کے بعد اس کی موقع پر ہی گرفتاری عمل میں لائی گئی۔
گرفتار شدہ کی شناخت غلام نبی ڈار ولد مرحوم محمد سبحان ساکن بابا گیل لمبر کے طور پر کی گئی ہے ۔
بیان میں کہا گیا کہ اس ضمن میں پولیس اسٹیشن بونیار میں متعلقہ دفعات کے تحت ایک کیس درج کرکے مزید تحقیقات شروع کی گئی ہے۔