بدعنوانی کی حمایت کانگریس کا سیاسی کلچر : نقوی

نئی دہلی//بھارتیہ جنتا پارٹی (بی جے پی ) کے سینئر لیڈر و مرکزی وزیر برائے اقلیتی امور اور راجیہ سبھا میں ڈپٹی لیڈر مختار عباس نقوی نے آج کہا کہ ’’پریوار پر ایلیگیشن ‘‘
اور ’’پارٹی کا ایجی ٹیشن ‘‘ اس بات کا ثبوت ہے کہ ’’ کانگریس اور کرپشن کا کتنا گہرا رشتہ ہے۔‘‘
انفورسمنٹ ڈائریکٹوریٹ ( ای ڈی ) کے دفتر میں کانگریس کے سابق نائب صدر راہل گاندھی کی پیشی کے دوران کانگریس کے لیڈروں اور پارٹی کارکنوں کی سڑکوں پر ہنگامہ آرائی کے سلسلے میں ردعمل ظاہر کرتے ہوئے مسٹر نقوی نے آج نئی دہلی میں صحافیوں سے بات چیت کے دوران کہا کہ بدعنوانی کے خلاف تو ملک نے ستیہ گرہ دیکھا ہے، لیکن ’’ کانگریس کا ایسا سیاسی کلچر‘‘ ملک پہلی بار دیکھ رہا ہے، جس میں بدعنوانی کی حمایت میں ایجی ٹیشن کیا جا رہا ہے۔
مسٹر نقوی نے کہا کہ بدعنوانی کی جانچ سے پہلے اور جانچ کے دوران بدعنوانی کی حمایت میں سڑکوں پر ہنگامہ آرائی ، کانگریس کی ’’ چوری اور سینہ زوری‘‘ کی مثال کو تقویت پہنچاتا ہے۔
مرکزی وزیر نے کہا کہ ’’ پریوار کی کنڈلی کرپشن کی منڈلی‘‘ تک محدود کانگریس اپنے ہی ’’بدعنوانی کے بھانومتی کے پٹارے ‘‘ سے خود ڈری سہمی ہے۔