’منشیات کی اسمگلنگ کیخلاف بے رحمانہ جنگ تیز کرنے کی ضرورت‘

نئی دہلی//
مرکزی وزیر داخلہ‘ امت شاہ نے ہفتے کے روز کہا کہ حکومت نشہ آور اشیاء کے پورے ایکو سسٹم کو تباہ کرنے کے لیے پرعزم ہے ۔
شاہ نے آج یہاں ’نشہ آور اشیاء کی اسمگلنگ اور قومی سلامتی‘پر ایک علاقائی کانفرنس کی صدارت کی۔
وزیر داخلہ نے نشہ آور اشیاء کو ختم کرنے کے ہفتے اور نارکوٹکس کنٹرول بیورو کی بھوپال علاقائی اکائی کے نئے دفتر کی عمارت کا افتتاح کیا اور مانس۲ہیلپ لائن کی تمام ریاستوں اور مرکز کے زیر انتظام علاقوں میں توسیع کا آغاز کیا۔
نارکوٹکس کنٹرول بیورو کے زیر اہتمام اس کانفرنس کا مقصد نشہ آور اشیاء کی اسمگلنگ کے بڑھتے ہوئے مسئلے اور اس کے قومی سلامتی پر اثرات، خاص طور پر شمال مشرقی علاقے کے آٹھ ریاستوں اور مرکز کے زیر انتظام علاقوں سے نمٹنے پر توجہ مرکوز کرنا ہے ۔
مرکزی وزیر داخلہ نے کہا کہ اس قسم کی علاقائی کانفرنس نے نشہ آور اشیاء کے خلاف لڑائی کو مضبوط بنیاد فراہم کی ہے اور ایسے ہی اقدامات کے نتیجے میں اس مسئلے کے خلاف ہماری مہم بہت مضبوط ہوئی ہے ۔ انہوں نے کہا کہ سال۲۰۲۴میں ملک بھر کے پولیس فورسز اور بیوروز نے۱۶ہزار۹۱۴کروڑ روپے کی نشہ آور اشیاء ضبط کرنے میں کامیابی حاصل کی، جو آزادی کے بعد کا سب سے بڑا اعداد و شمار ہے ۔
شاہ نے کہا کہ چیلنجز کو دیکھتے ہوئے ہمیں مزید مضبوطی، شدت، مائیکرو منصوبہ بندی اور مستقل نگرانی کے ساتھ وقت کے مطابق پالیسی بنانا ہوگی، تب ہی ہم اس لڑائی میں کامیاب ہو سکیں گے ۔
وزیر داخلہ نے کہا کہ۲۰۴۷میں ایک مکمل وکست بھارت کے قیام کے مقصد کو حاصل کرنے کے لیے نشہ سے پاک ہندوستان کا حصول بہت ضروری ہے ۔ انہوں نے کہا کہ نشہ آور اشیاء کے خلاف لڑائی میں مرکزی اور ریاستی حکومتوں کو ایک ساتھ ایک پلیٹ فارم پر آنا ہوگا اور متعلقہ محکموں کو پوری لگن اور محنت کے ساتھ اس برائی پر قابو پانا ہوگا۔ انہوں نے کہا کہ حکومت نشہ آور اشیاء کے پورے ایکو سسٹم کو تباہ کرنے کے لیے پرعزم ہے ۔