کشمیر اور چناب وادی میں بھاری برف باری کا امکان:محکمہ موسمیات

سرینگر//
محکمہ موسمیات کی پیش گوئی کے مطابق۴جنوری کی شام سے۵جنوری کی رات دیر گئے تک وادی کشمیر اور چناب وادی کے پہاڑی اور درمیانی علاقوں میں بھاری برف باری متوقع ہے ۔
محکمہ نے کہا کہ بھاری برف باری سے وادی میں۵جنوری کو فضائی و زمینی ٹرانسپورٹ بھی عارضی طور پر متاثر ہو سکتا ہے ۔
محکمے کے ایک ترجمان نے کہا کہ وادی میں۴جنوری سے۶جنوری کی صبح تک پہاڑی اور درمیانی علاقوں میں بھاری برف باری کا امکان ہے ۔ان کا کہنا ہے کہ برف باری کی شدت۵جنوری کی رات دیر گئے یا۶ جنوری کی صبح تک جاری رہ سکتے ہے جبکہ ۶جنوری کی دوپہر کے بعد موسم کی بہتری متوقع ہے ۔
ترجمان نے کہا کہ اس دوران جموں کے میدانی علاقوں میں بارشوں کا امکان ہے ۔انہوں نے کہا کہ اس کے بعد۷سے۱۰جنوری تک موسم مجموعی طور پر خشک رہنے کا امکان ہے جبکہ۱۱سے۱۲جنوری کو پہاڑی علاقوں میں کہیں کہیں ہلکی برف باری ہوسکتی ہے ۔
ان کا کہنا تھا کہ بعد قزاں وادی میں۱۳سے ۱۵ جنوری تک موسم مجموعی طور پر خشک رہنے کا امکان ہے ۔
محکمے نے اپنی ایڈوائزری میں کہا کہ۴جنوری کی شام سے۵جنوری کی رات دیر گئے تک کشمیر اور چناب وادی کے پہاڑی اور درمیانی علاقوں میں بھاری برف باری ہوسکتی ہے ۔
انہوں نے کہا کہ اس دوران وادی میں۵ جنوری کو زمینی و فضائی ٹرانسپورٹ میں عارضی طور پر خلل واقع ہوسکتی ہے ۔
ایڈوائزری میں سیاحوں، مسافروں اور ٹرانسپورٹرز کو مشورہ دیا گیا ہے کہ وہ اہم گذر گاہوں اور پہاڑی علاقوں پر درجہ حرارت نقطہ انجماد سے نیچے درج ہونے اور برفانی حالات کے یش نظر ٹریفک ایڈوائزری پر عمل کریں۔
دریں اثنا وادی کے بیشتر علاقوں میں مطلع ابر آلود رہنے سے شبانہ درجہ حرارت میں بہتری واقع ہوئی ہے ۔
گرمائی دارلحکومت سری نگر میں کم سے کم درجہ حرارت منفی۶ء۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۲ء۲ڈگری سینٹی گریڈ ریکارڈ ہوا تھا۔
سرینگر میں۲۱دسمبر کو شبانہ درجہ حرارت منفی۵ء۸ڈگری سینٹی گریڈ ریکارڈ ہوکر رواں موسم کی سرد ترین رات ریکارڈ ہوئی تھی جو گذشتہ ۱۳۳برسوں میں سری نگر میں ماہ دسمبر میں ریکارڈ ہونے والا تیسرا کم ترین درجہ حرارت ہے ۔
سرینگر میں سال۱۹۷۴کے ماہ دسمبر میں کم سے کم درجہ حرارت منفی۳ء۱۰ڈگری سینٹی گریڈ اور۱۳دسمبر سال۱۹۶۴کو شبانہ درجہ حرارت منفی۸ء۱۲ڈگری سینٹی گریڈ ریکارڈ ہوا تھا۔
سیاحتی مقام پہلگام میں کم سے کم درجہ حرارت منفی۳ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۵ء۴ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۲ء۲ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۶ء۱ڈگری سینٹی گریڈ ریکارڈ ہوا تھا۔
قصبہ قاضی گنڈ میں کم سے کم درجہ حرارت منفی۶ء۶ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۲ء۷ڈگری سینٹی گریڈ ریکارڈ ہوا تھا۔
قابل ذکر ہے کہ وادی میں چالیس روز چلہ کلان بر سر اقتدار ہے جو۲۱دسمبر سے شروع ہو کر۳۱مارچ تک جاری رہتا ہے ۔ یہ چلہ سخت سردیوں اور بھاری برف باری کیلئے مشہور ہے ۔