تاریخی مغل روڈ ہنوز بند۔۔سرینگر جموں قومی شاہراہ کھلی

سرینگر//
جنوبی کشمیر کے ضلع شوپیاں کو صوبہ جموں کے راجوری اور پونچھ اضلاع کے ساتھ جوڑنے والے تاریخی مغل روڈ پر پیر کو تیسرے روز بھی ٹریفک کی نقل و حمل معطل ہے ۔
تاہم وادی کو ملک کے باقی حصوں کے ساتھ جوڑنے والی سرینگر جموں قومی شاہراہ پر ٹریفک کی دوطرفہ نقل و حمل جاری ہے ۔ ٹریفک حکام نے بتایا کہ تاریخی مغل روڈ پر پیر کو بھی ٹریفک کی نقل و حمل بند ہے تاہم روڈ سے برف ہٹانے کا کام زوروں سے جاری ہے ۔
حکام نے کہا کہ سنتھن روڈ اور بھدرواہ [؟] چمبا روڈ پر بھی ٹریفک ہنوز بند ہے ۔
ان کا کہنا ہے کہ تاہم وادی کو لداخ یونین ٹریٹری کے ساتھ جوڑنے والے سونہ مرگ کرگل روڈ پر روڈ ٹھیک کرنے والی ایجنسیوں کی طرف سے گرین سگنل ملنے کے بعد ٹریفک بحال کر دیا جائے گا۔
ٹریفک حکام نے بتایا کہ سرینگر، جموں قومی شاہراہ پر ٹریفک کی دو طرفہ نقل و حمل جاری ہے ۔انہوں نے مسافروں سے لین ڈسپلن پر عمل کرنے کی صلاح دی ہے ۔
حکام نے مسافروں سے کہا ہے کہ وہ مٹی کے تودے یا چٹانیں کھسک آںے کے خدشات کے پیش نظر بانہال اور رام بن کے درمیان غیر ضروری طور پر ٹھہرنے سے اجتناب کریں اور شاہراہ پر دن کے دوران ہی سفر اختیار کریں۔