شیوراج نے مرکزی بجٹ پر کیا تبادلہ خیال

نئی دہلی//
زراعت اور کسانوں کی فلاح و بہبود کے مرکزی وزیر شیوراج سنگھ چوہان نے بدھ کو انڈین کونسل آف ایگریکلچرل ریسرچ اور زرعی تحقیق اور تعلیم کے محکمہ کے سینئر افسران کے ساتھ مرکزی بجٹ۲۶۔۲۰۲۵کے بارے میں تبادلہ خیال کیا۔
زراعت اور کسانوں کی فلاح وبہبود کی مرکزی وزارت نے یہاں کہا کہ میٹنگ میں زرعی تحقیق اور تعلیم سے متعلق مختلف پہلوؤں پر تبادلہ خیال کیا گیا۔
چوہان کی سرکاری رہائش گاہ پر منعقدہ اس میٹنگ میں مرکزی وزراء نے مرکزی بجٹ۲۶۔۲۰۲۵پر تبادلہ خیال کیا اور زرعی تحقیق اور تعلیم سے متعلق مختلف پہلوؤں پر تبادلہ خیال کیا۔ اس کے علاوہ مختلف تحقیقی کاموں اور کونسل میں اسکیموں کے تحت جاری کاموں اور ان کے بجٹ مختص کرنے کے بارے میں بات چیت کے دوران ضروری ہدایات دی گئیں۔
گزشتہ پانچ سالوں میں انڈین کونسل آف ایگریکلچرل ریسرچ کی اہم کامیابیوں اور اگلے پانچ سالوں کے اہداف اور روڈ میپ پر تفصیلی بات چیت ہوئی۔ مرکزی وزیر نے تحقیق کی نئی جہتیں تلاش کرنے پر زور دیا۔ اس موقع پر فصلوں کی فی ہیکٹر پیداواری صلاحیت بڑھانے پر بھی تفصیلی گفتگو ہوئی۔
میٹنگ میں انڈین کونسل آف ایگریکلچرل ریسرچ کے ڈائریکٹر جنرل، مالیاتی مشیر، ڈپٹی ڈائریکٹر جنرل، اسسٹنٹ ڈائریکٹر جنرل کے ساتھ دیگر اعلیٰ افسران بھی موجود تھے ۔