اوڑ ی میں لگی آگ کوبھجانے میں فوج نے مدد کی

سرینگر//
بھارتی فوج نے ضلع بارہمولہ کے علاقے اوڑی میں لائن آف کنٹرول (ایل او سی) کے قریب ایک رہائشی مکان میں لگی آگ بجھانے کے لیے اپنی مدد فراہم کی ہے۔
فوج نے کہا کہ بانڈی میں تعینات ان کے یونٹ کو رات گئے اڑی کے لگاما میں ایک رہائشی مکان میں آگ لگنے کے بعد فوری طور پر متحرک کردیا گیا تھا ، جس سے رہائشیوں کی جان و مال کو کافی خطرہ لاحق ہوگیا تھا۔
فوج نے کہا کہ آگ لگنے کی اطلاع ملتے ہی بانڈی پوسٹ سے ہندوستانی فوج کے جوان فوری طور پر متحرک ہوگئے اور موقع پر پہنچ گئے۔ اوڑی کے مقامی فائر فائٹرز اور مقامی آبادی کے ساتھ بلا تعطل تعاون کرتے ہوئے فوج کی فوری کارروائی نے آگ کو مزید پھیلنے سے روکا اور نقصان کو کم کیا۔
فوج کے جوانوں، فائر سروسز اور کمیونٹی کی مشترکہ کوششوں کے نتیجے میں آگ پر کامیابی سے قابو پایا گیا۔
بھارتی فوج نے متاثرہ علاقے سے رہائشیوں کو نکالنے، ان کی حفاظت کو یقینی بنانے اور فوری امداد فراہم کرنے میں بھی مدد کی۔
مقامی لوگوں نے ہندوستانی فوج کی فوری اور موثر کارروائی پر اظہار تشکر کیا جس نے خطے میں لوگوں کی فلاح و بہبود کے لئے اپنے عزم کا اظہار کیا۔