دراندازی کے معاملات این آئی اے کے چھاپے

جموں//
قومی تحقیقاتی ایجنسی (این آئی اے ) نے ملی ٹنٹوں کی در اندازی کے ایک کیس کے سلسلے میں جمعرات کی صبح جموں خطے میں دس مقامات پر چھاپے مارے ۔
حکام کا کہنا ہے کہ این آئی اے کی ایک ٹیم نے جموں کشمیر پولیس اور پیرا ملٹری اہلکاروں کی مدد سے جمعرات کی صبح ریاسی، ڈوڈہ، اودھم پور، رام بن اور کشتواڑ اضلاع میں چھاپے مارے جہاں تلاشی آپریشنز جاری ہیں۔
سرکاری ذرائع نے بتایا’’دہشت گردوں کے در اندازی نیٹ ورک کو تباہ کرنے کیلئے مختلف تنظیموں سے وابستہ دہشت گرد معاونین کے گھروں پر چھاہے مارے گئے جہاں تلاشی آپریشن چل رہے ہیں۔‘‘
بتادیں کہ این آئی اے کے ایک بیان کے مطابق اس تحقیقاتی ایجنسی نے بدھ کے روز سال۲۰۲۰کے کشمیر میں منشیات کی دہشت گردی کے ایک مقدمے میں مطلوب ایک ملزم کو گرفتار کیا۔