کھڑگے نے جسٹس کھنہ کو چیف جسٹس بننے پر مبارکباد دی

نئی دہلی// کانگریس صدر ملکارجن کھڑگے نے جسٹس سنجیو کھنہ کو ملک کے 51 ویں چیف جسٹس بننے پر مبارکباد دی ہے ۔
مسٹر کھڑگے نے سوشل میڈیا پر جسٹس کھنہ کو اپنے مبارکبادی پیغام میں کہا، "ہندوستان کے 51 ویں چیف جسٹس کے طور پر حلف لینے پر جسٹس سنجیو کھنہ کو مبارکباد۔ چیف جسٹس آف انڈیا کا عہدہ وسیع توقعات سے بھرا ہوا ہے اور اس لیے بلاشبہ آپ کے کندھوں پر مزید بوجھ ڈالے گا۔
انہوں نے کہا کہ مجھے یقین ہے کہ آپ اپنے طویل اور ممتاز تجربے کی بدولت اس ذمہ داری کو نبھا سکیں گے اور عدلیہ کی بہترین خدمت کریں گے ۔