خانیار تصادم جاری، چار سیکورٹی اہلکار زخمی

سرینگر/۲نومبر
وسطی کشمیر کے ضلع سرینگر کے خانیار کے کھار محلے میں سیکورٹی فورسز اور ملی ٹنٹوں کے درمیان تصادم جاری ہے ۔
حکام نے بتایا کہ ملی ٹنٹوں کے چھپنے کے متعلق مصدقہ اطلاع ملنے پر سیکورٹی فورسز نے خانیار کے کھار محلے کو محاصرے میں لے کر تلاشی آپریشن شروع کر دیا۔انہوں نے کہا کہ اس دوران ہفتے کی صبح طرفین میں آمنا سامنا ہوا اور انکا¶نٹر چھڑ گیا۔انہوں نے کہا کہ طرفین کے درمیان گولیوں کا تبادلہ جاری ہے ۔ان کا کہنا ہے کہ انکاﺅنٹر کے دوران چار سیکورٹی اہلکار زخمی ہوئے ہیں۔
کشمیر زون پولیس نے ’ایکس‘پر ایک پوسٹ کے ذریعے جانکاری فراہم کرتے ہوئے کہا”ضلع سرینگر کے خانیار علاقے میں محاصرے اور تلاشی آپریشن کے دوران گولیوں کا تبادلہ ہوا“۔انہوں نے کہا”پولیس اور سیکورٹی فورسز کام پر لگے ہیں“۔
قابل ذکر ہے کہ یہ سری نگر میں گذشتہ دو برسوں میں پہلا تصادم ہے ۔
سری نگر میں آخری انکاﺅنٹر نوگام علاقے میں 20 ستمبر2022 کو ہوا تھا جس میں انصار غزوة الہند سے وابستہ دو مقامی ملی ٹنٹ مارے گئے تھے ۔