پاکستان کو جموں وکشمیر کا امن راس نہیں آرہا :ترون چگ

سرینگر//
بھارتیہ جنتاپارٹی(بی جے پی) کے قومی جنرل سیکریٹری ترون چگ نے جمعے کے روز کہاکہ پاکستان کوجموں کشمیر کا امن راس نہیں آرہا ہے ۔
چگ نے کہاکہ گگن گیر اور گلمرگ حملوں میں ملوث دہشت گردوں کو بہت جلد انجام تک پہنچایا جائے گا۔
ان باتوں کا اظہار بی جے پی لیڈر نے یہاں میڈیا سے بات چیت کے دوران کیا۔
چگ نے کہا کہ جموںکشمیر میں حالیہ اسمبلی انتخابات کے دوران لوگوں نے جمہوری عمل میں بڑھ چڑھ کر حصہ لیا اور یہ سب کچھ پاکستان کو ہضم نہیں ہو رہا ہے ۔انہوں نے الزام لگایا کہ پاکستان جموں وکشمیر کے پر امن حالات کو درہم برہم کرنے کی سازشوں میں مصروف ہے ۔
بی جے پی کے جنرل سیکریٹری کے مطابق حالیہ حملوں میں ملوث دہشت گردوں اوران کے مدد گاروں کو بہت جلد کیفر کردارتک پہنچایا جائے گا۔ان کے مطابق جموں وکشمیر کے حالات میں کافی بہتری آئی ہے لیکن پڑوسی ملک سازشوں میں مصروف ہے ۔