امید ہے کہ مرکزبہت جلدریاستی درجہ بحال کرے گی :فاروق عبداللہ

سرینگر//
جموںکشمیر نیشنل کانفرنس کے صدر ‘ڈاکٹر فاروق عبداللہ نے جمعرات کی شام کو کہا کہ مرکزی حکومت کو جلدازجلد ریاست کا درجہ بحال کرنا چاہئے ۔
فاروق نے کہاکہ اب سپریم کورٹ نے بھی سٹیٹ ہڈ کی بحالی پر دائر عرضی کو شنوائی کیلئے مقرر کیا ہے ۔
ان باتوں کا اظہارفاروق نے جمعرات کی شام سری نگر میں نامہ نگاروں سے بات چیت کے دوران کیا۔
این سی صدر نے کہاکہ جموں کشمیر نیشنل کانفرنس نے الیکشن منشور میں جتنے بھی وعدئے لوگوں سے کئے انہیں ہر حال میں پورا کیا جائے گا۔
فاروق نے کہاکہ بے روزگاری کو ختم کرنے کی خاطر موجودہ سرکار کام کرے گی۔
سٹیٹ ہڈ کی بحالی کے بارے میں پوچھے گئے سوال کے جواب میں فاروق نے کہا’’ مجھے امید ہے کہ مرکزی سرکار اس حوالے سے جلدازجلد فیصلہ لے گی‘‘۔انہوں نے کہاکہ چونکہ اب سپریم کورٹ میں بھی سٹیٹ ہڈ کی بحالی کو لے کر عرضی داخل کی گئی اس کو شنوائی کے لئے مقرر بھی کیا گیاہے ۔
نیشنل کانفرنس کے صدر نے کہا’’میری دعا ہے کہ جموں وکشمیر ترقی کرئے اور امن و امان کی فضا برقرار رہے ‘‘۔
فاروق سے جب راجیہ سبھا ممبر بنائے جانے کے بارے میں سوال کیا گیا تو انہوں نے کہا’’ یہ سب افواہیں ہیں جس دن جاؤں گا آپ کو سلام کروں گا۔ ‘‘