بی جے پی صدر رویندر رینا این سی امیدوار سے ہار گئے

جموں//
بی جے پی کو جموں وکشمیر میں اس وقت شدید جھٹکا لگا جب پارٹی صدر رویندر رینا کو نیشنل کانفرنس کے امیدوار نے سات ہزار۸۱۹ووٹوں سے ہرایا ۔
اطلاعات کے مطابق نوشہرہ سیٹ پربی جے پی کے یونٹ صدر رویندر رینا کو مضبوط امیدوار تصور کیا جاتا ہے لیکن اس بار نیشنل کانفرنس کے سریندر چودھری نے رویندر رینا کو۷ہزار ۸۱۹ووٹوں سے شکست دے کر تاریخ رقم کی۔
رویندر رینا کو ۲۷ہزار ۲۵۰جبکہ نیشنل کانفرنس کے امیدوار سریندر چودھری نے ۳۵ہزار۶۹ووٹ حاصل کرکے بھاجپا جموں وکشمیر یونٹ صدر کو شکست سے دوچار کیا۔
بی جے پی صدر نے ہار کے بعد کہا’’میں لوگوں کا شکریہ اداکرنا چاہتا ہوں جنہوں نے مجھے قیمتی ووٹ دیا‘‘۔انہوں نے کہاکہ بھاجپا نے اس بار تاریخ رقم کرکے جموں صوبے میں۲۹نشستوں پر جیت حاصل کی ہے ۔
بتادیں کہ۳۷سال کی عمر میں رویندر رینا نوشہرہ نشست پر ممبر اسمبلی منتخب ہوئے جس کے بعد انہیں جموں وکشمیر کی کمان سونپی گئی۔
یہاں یہ امر قابل ذکر ہے کہ بی جے پی نے جموں وکشمیر کی تاریخ میں پہلی دفعہ ۲۹نشستوں پر جیت حاصل کی ہے ۔