سرینگر میں پولیس اہلکار کی لاش برآمد، تحقیقات شروع

سرینگر//
سرینگر کے احمد نگر علاقے میں پولیس کا ایک اسسٹنٹ سب انسپکٹر (اے ایس آئی) پراسرار حالات میں مردہ پایا گیا۔
ایک مقامی خبر رساں ادارے نے پولیس ذرائع کے حوالے سے خبر دی ہے کہ احمد نگر پولیس اسٹیشن میں تعینات ایک اسسٹنٹ سب انسپکٹر (اے ایس آئی) کل رات دیر گئے اپنے کمرے میں بے ہوش پایا گیا۔
ذرائع نے مزید کہا کہ افسر کو فوری طور پر اسپتال منتقل کیا گیا جہاں ڈاکٹروں نے اسے مردہ قرار دے دیا۔بعد ازاں اس کی شناخت محمد شفیع کے طور پر ہوئی جو جنوبی کشمیر کے کولگام کے یاری پورہ کا رہنے والا تھا۔
ذرائع نے بتایا کہ پولیس نے معاملے کی جانچ شروع کردی ہے۔