رام بن میں سکوٹی سوار ہلاک اکھنور سڑک حادثے میں ۳۰زخمی

جموں//
جموںکشمیر کی سڑکوں پر حادثات کا نہ تھمنے والا سلسلہ جاری ہے جس کے نتیجے میں آئے روز کسی نہ کسی علاقے میں صف ماتم بچھ جاتی ہے ۔
رام بن کے علاقے ڈھلواس کے قریب آج صبح ایک کار اور اسکوٹی کے درمیان تصادم کے نتیجے میں اسکوٹی سوار موقع پر ہی جاں بحق ہوگیا۔
اسکوٹی سوارکی شناخت نام غلام حسین گجر ولد خادم حسین گجر ساکن چملواس بانہال کے طور پر ہوئی ہے‘جو گزشتہ دو سال سے ہائر سیکنڈری کھاری میں تعینات تھا۔
اس دوران پولیس ذرائع کے مطابق اکھنور کے ٹنڈا گائوں میں پیر کی صبح ایک منی گاڑی سڑک پر الٹ گئی جس کے نتیجے میں کم سے کم ۲۰مسافر زخمی ہوگئے ۔انہوں نے کہا کہ زخمیوں کو علاج و معالجے کے لئے نزدیکی ہسپتال منتقل کیا گیا جن میں ۱۰زخمیوں کو نازک حالت میں گورنمنٹ میڈیکل کالج جموں ریفر کیا گیا۔
ان کا کہنا تھا کہ زخمیوں میں سے۵طالب علم بھی شامل ہیں جو اکھنور ہائر سکنڈری سکول جا رہے تھے ۔انہوں نے کہا کہ یہ گاڑی مہرا مندریان سے اکھنور جا رہی تھی جب یہ حادثہ پیش آیا۔
بتایا جاتا ہے کہ حادثے کی وجہ گاڑی کا ڈرائیور کے قابو سے باہر جانا ہے ۔دریں اثنا پولیس نے اس ضمن میں ایک کیس درج کرکے تحقیقات شروع کی ہے۔