بارہمولہ میں منشیات فروش گرفتار

سرینگر//
منشیات کے خلاف جنگ کو جاری رکھتے ہوئے پولیس نے شمالی کشمیر کے ضلع بارہمولہ کے ٹنگمرگ علاقے میں ایک منشیات فروش کو گرفتار کرکے اس کی تحویل سے ممنوعہ مواد بر آمد کیا ہے ۔منشیات فروش کی شناخت ظہور احمد شیخ ولد غلام احمد ساکن نادر گنڈ کے طور پر کی گئی ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن ٹنگمرگ کی ایک پارٹی نے ہسپتال کراسنگ ٹنگمرگ پر ناکے کے دوران ایک شخص کو روکا۔انہوں نے کہا کہ تلاشی کے دوران اس شخص کی تحویل سے۳۵گرام چرس جیسا ممنوعہ مواد بر آمد کیا گیا جس کے بعد اس کو گرفتار کرکے پولیس اسٹیشن ٹنگمرگ میں بند رکھا گیا۔
گرفتار شدہ منشیات فروش کی شناخت ظہور احمد شیخ ولد غلام احمد ساکن نادر گنڈ کے طور پر کی گئی ہے ۔پولیس نے اس سلسلے میں پولیس اسٹیشن ٹنگمرگ میں ایک کیس درج کرکے مزید تحقیقات شروع کی ہیں۔
قابل ذکر ہے کہ بارہمولہ پولیس نے ضلع میں سال رواں کے پہلے چھ مہینوں کے دوران۱۷۸مقدمے درج کرکے۴۵سخت گیر منشیات فروشوں سمیت۱۷۸منشیات فروشوں کو گرفتار کیا ہے اور ان کی تحویل سے کروڑوں روپیے مالیت کا نشہ آور مواد بھی بر آمد کیا ہے ۔