بارہ مولہ پولیس کا ملی ٹینٹ معاون کی گرفتاری کا پولیس کا دعویٰ

سرینگر//
بارہمولہ پولیس نے لشکر طیبہ /ٹی آر ایف سے وابستہ ملی ٹینٹ معاون کو ہتھیار و گولہ بارود سمیت حراست میں لینے کا دعویٰ کیا ہے ۔
پولیس کے ایک ترجمان نے بتایا کہ منگل کے روز۴۶آر آر اور بارہ مولہ پولیس نے ایکو پارس کراسنگ کے نزدیک لگایا جس دوران ایک مشتبہ نوجوان نے سلامتی عملے کو دیکھتے ہی راہ فرار اختیار کرنے کی کوشش کی ۔
ترجمان نے کہاکہ سیکورٹی فورسز نے پیشہ وارانہ صلاحیتوں کو بروئے کار لا کر نوجوان کو دھر دبوچا اور اس کے قبضے سے ایک پستول ، پستول میگزین اور تین گرینیڈ برآمد کرکے ضبط کئے ۔
پولیس ترجمان کے مطابق ابتدائی تفتیش کے دوران نوجوان کی شناخت شاکر احمد لون ولد عبدالرشید ساکن ڈانگر پورہ شیری کے بطور ہوئی ہے ۔
ترجمان نے مزید بتایا کہ گرفتار ملی ٹینٹ معاون نے تفتیش کے دوران بتایا کہ وہ تخریبی سرگرمی کو انجام دینے کی خاطر پاکستانی ہینڈلز کے ساتھ رابطے میں تھا۔
پولیس نے معاملے کی نسبت کیس درج کرکے تحقیقات شروع کی ہے ۔