نئی دہلی/یکم جون
4 جون کو ووٹوں کی گنتی کے لئے اپنی حکمت عملی پر تبادلہ خیال کرنے کے لئے انڈیا بلاک کے اعلی رہنما ہفتہ کو یہاں ملاقات کریں گے ۔ ترنمول کانگریس اور پیپلز ڈیموکریٹک پارٹی اجلاس میں شرکت نہیں کریں گے۔
کانگریس ، مارکسوادی کمیونسٹ پارٹی ، سی پی آئی ، دراوڑ منیتر کڑگم ، عام آدمی پارٹی ، راشٹریہ جنتا دل ، شیوسینا یو بی ٹی اور نیشنلسٹ کانگریس پارٹی شرد پوار کے سینئر قائدین آج دوپہر کانگریس صدر ملکارجن کھرگے کی رہائش گاہ پر تبادلہ خیال کریں گے۔
ترنمول کانگریس کی سربراہ اور مغربی بنگال کی وزیر اعلی ممتا بنرجی پہلے ہی کہہ چکی ہیں کہ وہ اس میٹنگ میں شرکت نہیں کریں گی کیونکہ ریاست میں انتخابات ہیں جبکہ پی ڈی پی سربراہ محبوبہ مفتی کے اجلاس میں شرکت نہ کرنے کا امکان ہے۔
دہلی کے وزیر اعلی اروند کجریوال اور ان کے پنجاب کے ہم منصب بھگونت مان کے علاوہ راہول گاندھی اور کے سی وینو گوپال سمیت کانگریس کے سینئر رہنماو¿ں کے بھی اجلاس میں شرکت کرنے کا امکان ہے۔
پیپلز ڈیموکریٹک پارٹی (پی ڈی پی) کی صدر محبوبہ مفتی نے ہفتہ کے روز کہا کہ وہ ذاتی وجوہات کی بناءپر نئی دہلی میں ہونے والے اپوزیشن آئی ڈی اے بلاک کے اجلاس میں شرکت نہیں کریں گی۔
محبوبہ کا کہنا تھا ”ہو سکتا ہے کہ میں نہ جا سکوں کیونکہ میری والدہ کی آنکھوں کی سرجری ہو چکی ہے“۔
ڈی ایم کے سربراہ اور تمل ناڈو کے وزیر اعلی ایم کے اسٹالن نے کہا کہ پارٹی لیڈر ٹی آر بالو اجلاس میں شرکت کریں گے۔
4 جون ہندوستان کے لئے ایک نئی صبح کا آغاز ہوگا۔ انڈیا بلاک لیڈروں کے آج کے اجلاس میں ڈی ایم کے کی نمائندگی ہماری پارٹی کے خزانچی اور ڈی ایم کے کی پارلیمانی پارٹی کے لیڈرٹی آر بالو اوول کریں گے۔ اسٹالن نے’ایکس‘ پر ایک پوسٹ میں کہا۔
کھرگے نے کہا تھا کہ یہ ایک غیر رسمی میٹنگ ہے جس میں وہ صرف اس بات پر تبادلہ خیال کریں گے کہ گنتی کے دن انہیں کس طرح کی تیاری کرنی چاہئے اور لوگوں کو کس طرح چوکس رہنا چاہئے ، چاہے وہ ای وی ایم کے بارے میں ہو یا فارم 17 سی کے استعمال کے بارے میں۔
