نئی دہلی، یکم جون
لوک سبھا انتخابات کے ساتویں اور آخری مرحلے میں آٹھ ریاستوں اور مرکز کے زیر انتظام علاقہ سمیت 57 سیٹوں پر ہفتہ کو پہلے چھ گھنٹے(دن کے ایک بجے تک) اوسط ووٹنگ 40.09 فیصد رہی۔
تمام سیٹوں پر صبح 7 بجے ووٹنگ شروع ہوئی جو شام 6 بجے تک جاری رہے گی۔
الیکشن کمیشن نے کہا کہ دوپہرایک بجے تک 57 لوک سبھا سیٹوں پر 40.09 فیصد ووٹ ڈالے گئے ہیں اور اوڈیشہ اسمبلی کی ووٹنگ کے چوتھے اور آخری مرحلے کے پہلے چھ گھنٹوں میں باقی 42 سیٹوں پر 37.64 فیصد ووٹ ڈالے گئے ہیں۔
دوپہر ایک بجے تک ہماچل پردیش میں سب سے زیادہ 48.63 فیصد ووٹنگ ہوئی جبکہ بہار میں سب سے کم 35.65 فیصد ووٹنگ ہوئی۔
الیکشن کمیشن کے ذرائع کے مطابق پولنگ اسٹیشنز پر صبح سے ہی ووٹرز کی لمبی قطاریں دیکھی گئیں، ووٹنگ پرامن طریقے سے جاری ہے ۔ ووٹرز کو گرمی سے بچانے کے لیے پینے کے پانی اور سایہ کی سہولتیں فراہم کی گئی ہیں۔ مغربی بنگال کے مختلف حلقوں سے پولنگ اسٹیشنوں کے باہر چھٹپٹ تشدد اور پولنگ ایجنٹوں کو بھگانے کی کوششوں کی اطلاع ملی ہے ۔
اڈیشہ اسمبلی انتخابات کے آخری مرحلے میں آج آٹھ اضلاع میں ووٹنگ جاری ہے ۔ دوپہر ایک بجے تک پوری ضلع میں سب سے زیادہ ٹرن آ¶ٹ 42.85 فیصد اور سب سے کم 33.96 فیصد جاج پور ضلع میں تھا۔ اس کے علاوہ بالاسور میں 41.44 فیصد، بھدرک میں 34.73، کٹک میں 39.00، جگت سنگھ پور میں 36.85، کیندرپاڑہ میں 34.45 اور میور بھنج میں 39.65 فیصد ووٹنگ ہوئی۔