جموں//
جموں وکشمیر پولیس نے راجوری میں ایک منشیات فروش کی کروڑوں روپے مالیت کی جائیداد کو ضبط کیا ہے ۔
ایک پولیس ترجمان نے بتایا کہ پولیس نے راجوری میں ایک منشیات فروش کی ایک کثیر منزلہ تجارتی عمارت اور ایک کار کو ضبط کیا ہے ۔
ترجمان نے کہا کہ اس چار منزلہ تجارتی عمارت کی قیمت۷۴ء۱کروڑ روپے جبکہ گاڑی کی قیمت۷لاکھ روپے ہے ۔
پولیس نے اس منشیات فروش کی شناخت وکل چوگا عرف وکو ولد ومل چوگا ساکن وارڈ نمبر۱۲راجوری کے طور پر کی ہے ۔
ترجمان نے کہا کہ اس سلسلے میں پولیس اسٹیشن راجوری میں این ڈی پی ایس کی متعلقہ دفعات کے تحت ایک ایف آئی آر زیر نمبر۲۰۲۳/۳۸۰درج ہے ۔
ان کا کہنا تھا کہ وکل چوگا کے خلاف سال گذشتہ این ڈی پی ایس ایکٹ کے تحت مقدمہ درج کیا گیا تھا اور اس نے یہ جائیداد راجوری قصبے میں نوجوانوں کو منشیات بیچ کر حاصل کی ہے ۔