بی جے پی پراکسی امیدواروں کی ضمانت تک ضبط ہو جائے گی :محبوبہ

جموں/۲مئی
پیپلز ڈیموکریٹک پارٹی(پی ڈی پی) کی صدر محبوبہ مفتی نے جمعرات کے روز کہاکہ اننت ناگ راجوری پارلیمانی نشست پر بھارتیی جنتا پارٹی( بی جے پی) کے پراکیسی امیدوار کی ضمانت ضبط ہو جائے گی۔
محبوبہ نے کہاکہ بی جے پی نے جموں کشمیر کے لوگوں سے سب کچھ چھینا ہے ۔
ان باتوں کا اظہار محبوبہ نے راجوری میں روڈ شو کے دوران کیا۔
پی ڈی پی صدر نے کہاکہ اننت ناگ ، راجوری پارلیمانی نشست پر الیکشن موخر کرنا بہت بڑی سازش ہے ۔ان کے مطابق بی جے پی نے الیکشن سے قبل ہی ہار مان کر انتخابات کو موخر کیا ۔
محبوبہ نے کہاکہ بی جے پی پراکیسی امیدواروں کو ضمانت تک ضبط ہو جائے گی۔ان کا مزید کہنا تھا جو کچھ بھی ہم سے چھینا گیا اس کو سود سمیت واپس کرنا ہی پڑے گا۔
ریاستی درجہ کی بحال کے بارے میں محبوبہ نے کہاکہ مرکز کو جملہ بازی نہیں بلکہ عملی طورپر جلد ازجلد ریاست کا درجہ بحال کرنا چاہئے ۔انہوں نے کہا’’جو جموں کشمیر کے حالات ہیں اور جس طرح سے ہمارے تشخص کو مٹانے کی کوشش کی جا رہی ہے تو پی ڈی پی وہ واحد پارٹی ہے جس نے گذشتہ پانچ برسوں کے دوران لوگوں کی آواز کو بلند کیا‘‘۔
سابق وزیر اعلیٰ کا کہنا تھا’’ہم خاص طور پر نیشنل کانفرنس کے ساتھ مل کر چلنا چاہتے تھے لیکن انہوں نے کہا کہ پی ڈی پی ختم ہوئی ہے جو لوگوں کو برا لگا۔‘‘