لوک سبھا الیکشن:جموںریاسی لوک سبھا سیٹ پر۶۹فیصد پولنگ درج

جموں//
جموںکشمیر کی جموں ریاسی لوک سبھا نشست کے تمام پولنگ مراکز پرجمعے کی صبح سے ہی لوگوں کو لمبی لمبی قطاروں میں دیکھا گیا ۔
سرکاری ذرائع کے مطابق اس نشست پر مجموعی طور پر۰۱ء۶۹فیصد پولنگ ریکارڈ ہوئی ہے ۔
قبل ازیں ذرائع نے بتایا کہ اس نشست کے بیشتر پولنگ مراکز پر مقررہ وقت سے قبل ہی لوگوں کو قطاروں میں کھڑا دیکھا گیا اور صبح کے۷بجنے کے ساتھ ہی پولنگ کا عمل با قاعدہ شروع ہوا۔
انہوں نے کہا کہ پولنگ مراکز پر ووٹروں کی لمبی قطاروں میں خواتین اور پہلی بار ووٹ کا استعمال کرنے والوں کی بھی اچھی تعداد موجود ہے ۔
کالا کوٹ اسمبلی حلقے کے ایک پولنگ مرکز پر ایک بزرگ ووٹر نے میڈیا کو بتایا’’میں نے ووٹ ڈالنے کے لئے پیدل سفر کیا اور یہاں پہنچا، پورے دنیا میں ہماری جمہوریت کی شان ہے ‘‘۔
انہوں نے کہا’’ہم صبح سویرے ہی یہاں پہنچے ، مجھے فخر ہے کہ مجھے اس عمر میں بھی ووٹ ڈالنے کا موقع نصیب ہوا یہاں لوگوں میں کافی جوش و خروش ہے ‘‘۔
بتادیں کہ حکام نے ہموار پولنگ کو یقینی بنانے کے لئے اس حلقے کیلئے۲۴۱۶پولنگ مراکز قائم کئے گئے ہیں۔
۱۸؍اسمبلی نشستوں پر مشتمل اس سیٹ کیلئے۱۷ لاکھ۸۱ہزار۵۴۵راے دہندگان کو راے دہی کا حق ہے جن میں سے۸لاکھ ۶۰ہزار۵۵خواتین ووٹر شامل ہیں۔
اس سیٹ کیلئے کل۲۲؍امید وار قسمت آزمائی کر رہے ہیں جن میں سے بی جے پی کے جگل کشور اور کانگریس کے رمن بھلا نمایاں ہیں۔