سرینگر//
شمالی کشمیر کے سوپور میں ہفتے کے روز دریائے جہلم سے لاپتہ شہری کی لاش برآمد ہوئی ہے ۔
اطلاعات کے مطابق سنیچر کی صبح سوپور میں چند مقامی افراد نے دریائے جہلم میں ایک لاش دیکھی اور اس بارے میں پولیس کو مطلع کیا۔
پولیس ٹیم فوری طورپر جائے موقع پر پہنچی اور لاش کو تحویل میں لے کر اس کی شناخت محمد مقبول میر ساکن موہن پورہ سوپور کے بطور کی۔
معلوم ہوا ہے کہ متوفی۲۸مارچ۲۰۲۴کو پر اسرار طور پر لاپتہ ہو گیا اور بعد ازاں لواحقین نے پولیس اسٹیشن میں گمشدگی کی رپورٹ درج کی تھی۔
دریں اثنا پولیس نے اس ضمن میں کیس درج کرکے مزید تحقیقات شروع کی ہے ۔