ریاسی میں کمیں گاہ کا پردہ فاش، اسلحہ و گولہ بارود بر آمد:پولیس

جموں//
سیکورٹی فورسز نے جموںکشمیر کے ضلع ریاسی میں ملی ٹنٹوں کی ایک کمیں گاہ کا پردہ فاش کرکے بھاری مقدار میں اسلحہ و گولہ بارود بر آمد کیا ہے ۔
ایک پولیس ترجمان نے بتایا کہ ریاسی کے دلاس برنیلی علاقے میں ایک کمیں گاہ کی موجودگی کے بارے میں مصدقہ اطلاع ملنے پر علاقے کو سنیٹائز کرنے کیلئے ایک آپریشن شروع کر دیا گیا۔
ترجمان نے کہا کہ تلاشی آپریشن کے دوران پولیس ٹیم نے مذکورہ علاقے میں بھاری مقدار میں اسلحہ و گولہ بارود بر آمد کیا۔
بیان کے مطابق بر آمد شدہ اسلحہ و گولہ بارود میں ۲ڈیٹونیٹر، اسالٹ رائفل کے۱۲کارتوس، ایک کلکولیٹر آئی ای ڈی،ایک بیٹری اور کچھ تار شامل ہے ۔انہوں نے کہا کہ علاقے میں تلاشی آپریشن ہنوز جاری ہے ۔