ڈوڈہ ۱۰۲سالہ خاتون اور۹۶سالہ شہری اور دولہا دلن نے ووٹ ڈالے

جموں//
دھم پور پارلیمانی نشست پر جمعے کے روز لوگوں نے حق رائے دہی کا استعمال کیا۔ ڈوڈہ کے پونیجا نامی گاوں کے۱۰۲سالہ معمر خاتون اور۹۶سالہ شخص نے بھی اپنا ووٹ کاسٹ کیا۔
اطلاعات کے مطابق ادھم پور پارلیمانی نشست پر جمعے کے روز لوگوں کی ایک بڑی تعداد نے گھروں سے باہر آکر پولنگ اسٹیشنوں کا رخ کیا اور وہاں پر لمبی قطاروں میں رہ کر اپنی باری کاانتظار کرکے ووٹ ڈالے ۔
ڈوڈہ پیجا نامی گاوں میں جمعے کی صبح ۱۰۲سالہ خاتون اور۹۶سالہ معمر شہری نے ووٹ ڈالنے پر مسرت کا استعمال کیا۔انہوں نے کہاکہ ہر ایک کو اپنے ووٹ کا استعمال کرنا چاہئے تاکہ جمہوریت کو مضبوط کیا جاسکے ۔
معمر خاتون نے مزید بتایا کہ ووٹ دینے سے ہی لوگوں کے مسائل کا ازالہ ہوسکتا ہے ۔
اس دوران جموںکشمیر کے ادھم پور ضلع میں لوک سبھا انتخابات کے پہلے مرحلے پر ایک روز قبل شادی کے بندھن میں بندھے جوڑے نے اپنی حق رائے دہی کا استعمال کیا۔
اطلاعات کے مطابق اس بار کے پارلیمانی الیکشن میں لوگوں میں خاصا جوش و جذبہ دیکھا گیا۔
معلوم ہوا ہے کہ ادھم پور میں اس وقت سیکورٹی فورسز کے اہلکار اور الیکشن عملہ دھنگ ہو کر گئے جب ایک روز قبل بیاہی گئی دلہن نے اپنے ووٹ کا استعمال کیا۔
نامہ نگار نے بتایا کہ شادی کے ملبوسات زین تن کئے ہوئے جوڑے نے پولنگ اسٹیشن پر پہنچ کر حق رائے دہی کا استعمال کیا۔
اس موقع پر نوی نویلی دلہن نے نامہ نگاروں سے مختصر بات چیت کے دوران کہاکہ جمہوری عمل کو مضبوط کرنے کی خاطر ہر ایک کو اپنے ووٹ کا استعمال کرنا چاہئے ۔انہوں نے کہاکہ ووٹنگ کے ذریعے ہی ہم اپنے مستقبل کو تابناک بنا سکتے ہیں۔