سرینگر؍ ۵ نومبر
جموں و کشمیر کی سابق وزیر اعلیٰ محبوبہ مفتی جمعرات کو یہاں متفقہ طور پر پیپلز ڈیموکریٹک پارٹی (پی ڈی پی) کی صدر منتخب ہوئیں۔
وہ ۲۰۰۲ سے مسلسل اس عہدے پر فائز ہیں۔
پارٹی کے ایک بیان کے مطابق جموں اور سرینگر سے تعلق رکھنے والے الیکٹورل کالج کے ارکان نے محبوبہ مفتی کی دوبارہ انتخاب کی متفقہ حمایت کی۔
سابق وزیر اور پارٹی کے سینئر رہنما عبدالرحمان ویری نے ان کے دوبارہ انتخاب کی تجویز پیش کی، جبکہ سینئر رہنما محمد خورشید عالم نے اس کی تائید کی۔
پی ڈی پی نے کہا کہ اجلاس میں موجود الیکٹورل کالج کے تمام ارکان نے متفقہ طور پر ان کی حمایت کی، جو پارٹی کے اجتماعی فیصلے کی عکاسی کرتا ہے۔
بیان کے مطابق جموں سے تعلق رکھنے والے الیکٹورل کالج کے ارکان نے آن لائن کارروائی میں شرکت کرتے ہوئے محبوبہ مفتی کی دوبارہ انتخاب کی متفقہ حمایت کی۔
۔۔۔۔۔۔(ایجنسیاں )
