گاندربل//
کنگن شاہراہ پر نونر کے مقام پر موٹر سائیکل اور ٹاٹا موبائل کے درمیان ٹکر ہونے سے موٹر سائیکل سوار کی موقع پر ہی موت ہوگئی۔
عینی شاہدین کے مطابق گاندربل کنگن شاہراہ پر نونر کے مقام پر ایک ٹاٹا موبائل مخالف سمت سے آ رہی موٹر سائیکل کو ٹکر مار دی۔تصادم کے نتیجے میں موٹرسائیکل سوار خورشید احمد بابا ساکنہ بچھ پورہ موقع پر ہلاک ہوگیا۔
پولیس نے موقع پر پہنچ کر تفتیش شروع کردی۔
لاش کی پوسٹ مارٹم کے لئے اسے ضلع ہسپتال گاندربل بھیجوانے کا انتظام کیا۔پولیس نے کہاکہ پورے معاملے کی تفتیش کی جا رہی ہے۔ انہوں نے کہا کہ قانون کی متعلقہ دفعات کے تحت مقدمہ درج کر لیا گیا ہے۔ مزید تحقیقات کی جا رہی ہیں۔ انہوں نے مزید کہا کہ گاڑی کے ڈرائیور کو گرفتار کر لیا گیا ہے۔
پولیس نے مقامی باشندوں کی مدد سے گاڑیوں کی آمدورفت دوبارہ معمول پر لائی۔
اس واقعے کو لے کر مقامی باشندوںمیں ناراضگی پائی جا رہی ہے۔انہوں نے ٹریفک نظام کو مزید بہتر بنانے کا مطالبہ کیا۔ان کا کہنا تھا کہ جب تک ٹریفک نظام کو بہتر نہیں بنایا جاتا ہے اس وقت تک سڑک حادثات پر قابو نہیں پایا جا سکتا ہے۔