سرینگر//
جموں وکشمیر کے محکمہ صحت و میڈیکل ایجوکیشن نے پروفیسر (ڈاکٹر) تنویر مسعود بھٹ کی ریٹائرمنٹ کے بعد گورنمنٹ میڈیکل کالج ہندواڑہ کے انچارج پرنسپل‘ڈاکٹر عفت حسن کو پرنسپل گورنمنٹ میڈیکل کالج سرینگر کی اضافی ذمہ داریاں سونپ دیں۔
یہ ایڈجسٹمنٹ آئندہ لوک سبھا انتخابات کی وجہ سے ضابطہ اخلاق کے نفاذ کے درمیان کی گئی ہے۔
ایک حکم نامہ میں کہا گیا ہے’’جی ایم سی سرینگر کے پرنسپل پروفیسر (ڈاکٹر) تنویر مسعود بھٹ کی۳۱ مارچ۲۰۲۴ کو ریٹائرمنٹ اور لوک سبھا کے عام انتخابات کی وجہ سے انتخابی ضابطہ اخلاق نافذ ہونے کی وجہ سے اور سرکاری میڈیکل کالج سرینگر اور ایسوسی ایٹڈ اسپتالوں میں مریضوں کی دیکھ بھال کو یقینی بنانے کے لئے یہ حکم دیا جاتا ہے کہ پروفیسر (ڈاکٹر) عفت حسن‘گورنمنٹ میڈیکل کالج ہینڈوار کے پرنسپل گورنمنٹ میڈیکل کالج سرینگر کا اضافی چارج سنبھالیں گی۔‘‘
