گاندربلـ: منشیات فروش گرفتار،ممنوعہ مادہ برآمد

سرینگر//
پولیس نے گاندربل میں منشیات فروش کو گرفتار کیا اور ان کے قبضے سے ممنوعہ اشیاء برآمد کیں۔
موصولہ اطلاعات کے مطابق ایس ایس پی گاندربل شری سندیپ گپتا کی ہدایت پر ایس ایچ او ایس آئی گلزار حسین کی قیادت میں پولیس اسٹیشن صفا پورہ کی پولیس پارٹی کی طرف سے کراسنگ کے قریب کل پورہ روڈ پر معمول کا ناکہ لگایا گیا۔
ناکہ پارٹی نے ایک شخص کو روکنے کا اشارہ کیا اس نے ناکہ پارٹی کو دیکھ کر فرار ہونے کی کوشش کی تاہم ناکہ پارٹی نے اس شخص کو بڑی تدبیر سے پکڑ لیا اور اس کی ذاتی تلاشی کے دوران اس کے قبضے سے کوڈین فاسفیٹ کی۱۰۰ بوتلیں برآمد ہوئیں جنہیں قبضے میں لے لیا گیا۔
اس کو موقع پر گرفتار کر لیا گیا۔اس کی شناخت فیروز احمد کھانڈے ولد غلام محمد کھانڈے ساکنہ قمرواری بند حال شلتینگ، سری نگر کے طور پر ہے۔ اس کے مطابق قانون کی متعلقہ دفعات کے تحت متعلقہ پولیس ا سٹیشن میں مقدمہ درج کر کے تفتیش شروع کر دی گئی ہے۔