آئی پی ایل 2024 میں درست اور تیز فیصلوں کے لیے اسمارٹ ری پلے سسٹم کا استعمال کیا جائے گا

ممبئی// انڈین پریمیئر لیگ (آئی پی ایل) 2024 میں ٹی وی امپائرز تیز اور درست فیصلوں کے لیے اسمارٹ ری پلے سسٹم کا استعمال کریں گے۔
اس ا سمارٹ ری پلے سسٹم کے ذریعے ٹی وی امپائر براہ راست ہاک آئی آپریٹرز سے معلومات حاصل کریں گے۔ نئے نظام سے ٹی وی امپائر کے پاس زیادہ ویژول دیکھنے کی سہولت ہوگی ۔ ٹی وی امپائرز کیچز اور اسٹمپنگ کے معاملے میں اسمارٹ ریویو سسٹم کے اندر ہاک آئی آپریٹرز سے اسپلٹ اسکرین کی مانگ کرسکتے ہیں۔ اسٹمپنگ کا نیا نظام ٹی وی امپائر فوٹیج کو سائیڈ آن کیمرہ کے ساتھ ساتھ فرنٹ آن کیمرہ کو ایک ہی فریم میں دکھائے گا۔ یہ سسٹم ہاک آئی کیمرہ کو پچھلے سسٹم سے چھ گنا تیز رفتار بناتا ہے۔
اسی طرح یہ اسمارٹ ریویو سسٹم زمین سے چند انچ اوپر پکڑے گئے کیچز میں بھی کارگر ثابت ہوگا۔ اس ریویو سسٹم کے ذریعے ٹی وی امپائر اور ہاک آئی آپریٹر کے درمیان ہونے والی گفتگو کو براہ راست سنا جا سکےگا۔