کولگام میں منشیات فروش گرفتار، نشہ آور مواد بر آمد:پولیس

سرینگر//
منشیات کے خلاف جنگ کو جاری رکھتے ہوئے پولیس نے جنوبی کشمیر کے ضلع کولگام میں ایک منشیات فروش کو گرفتار کرکے اس کی تحویل سے نشہ آور مواد بر آمد کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن قاضی گنڈ کی ایک پارٹی نے بری گام گائوں میں ایک گشت کے دوران ایک مشتبہ شخص کو روکا جس نے ایک پالی تھین بیگ اٹھا رکھا تھا۔
ترجمان نے کہا کہ گرچہ پولیس کو دیکھ کر اس شخص نے فرار ہونے کی کوشش کی تاہم اس کو موقع پر ہی دھر لیا گیا۔بیان کے مطابق تلاشی کے دوران اس کی تحویل سے۸۵گرام چرس جیسا ممنوعہ مواد بر آمد کیا گیا جس کے بعد اس کو گرفتار کیا گیا۔
گرفتار شدہ کی شناخت محمد امین ڈار ولد عبدالاحد ڈار ساکن بری گام کے طور پر کی گئی ہے ۔
پولیس نے اس سلسلے میں پولیس اسٹیشن قاضی گنڈ میں متعلقہ دفعات کے تحت ایک کیس درج کرکے تحقیقات شروع کی ہے۔