کلکتہ ہائی کورٹ کے وکیل بلبدل بھٹاچاریہ کو مرکز کے ڈپٹی سالیسٹر جنرل کے عہدے سے ہٹا دیا گیا

کلکتہ//
کلکتہ ہائی کورٹ کے وکیل بلبدل بھٹاچاریہ کو مرکز کے ڈپٹی سالیسٹر جنرل کے عہدے سے ہٹا دیا گیا ہے ۔ مرکزی وزارت قانون نے جمعہ کو اس سلسلے میں ہدایات جاری کی ہیں۔ وہاں بتایا گیا کہ صدر نے بلبدل کو ہٹا دیا۔ اس حکم پر فوری عمل درآمد کردیا گیا ہے ۔
ڈپٹی سالیسٹر جنرل بننے سے پہلے بلبدل اپوزیشن لیڈر شوبھندوادھیکاری کے وکیل تھے ۔ انہوںنے اپنی طرف سے کئی مقدمات میں دلائل دیے ہیں۔ اب وہ کلکتہ ہائی کورٹ میں سی بی آئی کے وکیل ہیں۔ پرائمری، گروپ سی، گروپ ڈی بھرتی بدعنوانی کے معاملات میں سی بی آئی کے لیے کام کررہے ہیں۔ اس معاملے میں سی بی آئی کی طرف سے دی گئی تمام رپورٹس کو وکیل بلبدل نے عدالت میں پیش کیا۔ اکتوبر 2023 میں، ترنمول کانگریس کے آل انڈیا جنرل سکریٹری ابھیشیک بنرجی کی اہلیہ روجیرا بنرجی نے کلکتہ ہائی کورٹ میں یہ کہتے ہوئے تحفظ کی درخواست کی کہ رازداری کو ختم کیا جا رہا ہے ۔ اس وقت سی بی آئی کے وکیل بلبدل نے ان کی عرضی کی مخالفت کی تھی۔
بھرتی بدعنوانی کیس میں گرفتار کنتل گھوش نے ایک خط میںدعویٰ کیا تھا کہ ای ڈی ان پر ابھیشیک بنرجی کا نام لینے کے لیے دباؤ ڈال رہی ہے ۔ اسے حراست میں تشدد کا نشانہ بنایا گیا ہے ۔ کنتل نے علی پور کی خصوصی سی بی آئی عدالت اور ہیسٹنگز پولیس اسٹیشن کو خط لکھ کر اس معاملے کی شکایت کی تھی۔ بلبدل نے اس خط کی سی بی آئی تحقیقات کا مطالبہ کیا۔ اس کے باوجود انہیں مرکز کے ڈپٹی سالیسٹر جنرل کے عہدے سے ہٹا دیا گیا ہے ۔