اپنی پارٹی سبھی پانچ پارلیمانیحلقوں سے الیکشن لڑے گی :میر

سرینگر//
جموںکشمیر اپنی پارٹی کے سنیئر رہنما رفیع میر کا کہنا ہے کہ اپنی پارٹی جموں وکشمیر کی سبھی پارلیمانی نشستوں پر اپنے دم پر انتخابات میں شرکت کرنے جا رہی ہے۔’’ پارٹی اگلے ہفتے میں اپنے پارلیمانی امیدواروں کے ناموں کی فہرست منظر عام لا رہی ہے‘‘۔
فیع میر نے ان باتوں کا اظہار ذرائع ابلاغ کے نمائندوں کے ساتھ ایک مختصر بات چیت کے دوران کیا۔
اپنی پارٹی لیڈرنے کہا کہ آنے والے پارلیمانی انتخابات کے حوالے سے اپنی پارٹی کی پارلیمانی بورڈ کی میٹنگ جاری ہے جس میں صلح و مشورہ کے بعد ہی اگلے ہفتے میں امیدواروں کی فہرست بھی سامنے لائی جائے گی۔
ایک سوال کے جواب میں رفیع میر نے کہا کہ اپنی پارٹی صدر سید محمد الطاف بخاری کا پارلیمانی امیدوار کے طور نام سامنے آیا ہے۔ شمالی کشمیر کے لوگوں کا اصرار ہے کہ وہاں سے پارٹی کے صدر ہی انتخابات میں حصہ لیں، تاہم اس پر بھی ابھی کوئی حمتی فیصلہ نہیں لیا گیا ہے۔
میر نے مزید کہا کہ اپنی پارٹی، جموں و کشمیر کی پانچوں سیٹوں پر اپنے دم کھم اور اکیلے پارلیمانی انتخابات لڑے گی۔
اپنی پارٹی کے لیڈر کاکہنا تھا’’اپنی پارٹی ایک نئی پارٹی ہے اور ہمارا منشور بھی الگ ہے، ہم جھوٹ کی سیاست کے بجائے سچائی پر یقین رکھنے والی پارٹی ہے۔ اس لیے اپنی پارٹی نے اکیلے انتخابی میدانی میں اترنے کا فیصلہ کیا ہے۔ تاہم کس پارٹی کے امیدواروں کو جیت نصیب ہوگی وہ لوگوں کے مزاج پر منحصر ہے کیونکہ جموں وکشمیر میں کافی عرصے کے بعد انتخابات ہونے جا رہے ہیں۔ ایسے میں لوگ کے نبض کو بھاپنا ابھی ذرا مشکل ہے۔‘‘