ضلع لیہہ میں زلزلے کے جھٹکے ، کوئی نقصان نہیں

سرینگر//
لداخ یونین ٹریٹری کے ضلع لیہہ میں منگل کی علی الصبح زلزلے کے ہلکے جھٹکے محسوس کئے گئے ۔
اس زلزلے کی شدت ریکٹر اسکیل پر۴ء۳ ریکارڈ ہوئی ہے جبکہ زیر زمین اس کی گہرائی۵کلو میٹر تھی۔نیشنل سینٹر فار سیسمالوجی کے مطابق لداخ کے لیہہ میں منگل کی صبح۵بجکر۳۹منٹ پر زلزلے کے جھٹکے محسوس کئے گئے ۔
ترجمان نے کہا کہ اس زلزلے کی شدت ریکٹر اسکیل پر ۴ء۳ریکارڈ ہوئی ہے جبکہ زیر زمین اس کی گہرائی۵کلو میٹر تھی۔تاہم زلزلے سے کسی قسم کے جانی یا مالی نقصان کی کوئی اطلاع نہیں ہے ۔
جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔
قابل ذکر ہے کہ سال گذشتہ کے دوران جموں وکشمیر اور لداخ یونین ٹریٹری زائد از ایک درجن زلزلوں کے جھٹکے محسوس کئے گئے ۔