بجلی چوری کے خطرے سے دوچار فیڈروں پر سخت نگرانی رکھی جائے

سری نگر//
منیجنگ ڈائریکٹر کشمیر پاور ڈسٹری بیوشن کارپوریشن لمیٹڈ (کے پی ڈی سی ایل) مسرت اسلام نے صوبہ کشمیر کے تمام ۶؍او اینڈ ایم سرکلوں کے سپر اِنٹنڈنٹ اِنجینئروں پر بِلنگ اور وصولی کی کاکردگی کو بہتر بنانے پر زور دیا ہے جس کا براہِ راست اَثر ریونیو کی وصولی اور اے ٹی اینڈ سی نقصانات میں کمی پر پڑے گا۔
اسلام نے یہ ہدایات آج کارپوریشن کے کام کاج کا جائزہ لینے کے لئے منعقدہ ایک میٹنگ کے دوران جاری کیں جس میں اِنسپکشن اور کنکشن منقطع ہونے ، ریونیو وصولی ، ڈی ٹی کے نقصانات اور کٹوتی شیڈول پر سختی سے تعمیل پر توجہ مرکوز کی گئی۔
منیجنگ ڈائریکٹر نے کٹوتی کے شیڈول پر سختی سے عمل کرنے پر زور دیتے ہوئے پرنسپل سیکرٹری پاور کی جانب سے دی گئی سابقہ ہدایات کا اعادہ کیا اور تمام اَفسروں پر زور دیا کہ وہ اِس بات کو یقینی بنائیں کہ بجلی کی غیر شیڈول کٹوتی نہ کی جائے۔ اُنہوں نے ان فیڈروں پر کڑی نظر رکھنے پر بھی زور دیا جو ہُکنگ، میٹروں کو بائی پاس کرنے اورطے شدہ لوڈ سے تجاوز کرکے بجلی چوری کے خطرے سے دوچار ہیں۔
میٹنگ کو جانکاری دی گئی کہ کے پی ڈی سی ایل نے نومبر مہینے کے دوران۱۴ہزار۸۹۳ اِنسپکشن کئے ہیں اور۸۰ء۱ کروڑ روپے جرمانہ عائد کیا ہے۔۹۹۵ غیر قانونی کنکشن ریگولرائز کئے گئے اور۹ء۲میگاواٹ کا لوڈ شامل کیا گیا۔ کے پی ڈی سی ایل نے نومبر کے آخری ۱۰دِنوں میں صارفین کی جانب سے بڑے پیمانے پرہُکنگ اور واجبات کی عدم ادائیگی کی شکایات کے بعد اوور ڈرائیوشروع کی۔
منیجنگ ڈائریکٹر کے پی ڈی سی ایل اور چیف اِنجینئر (ڈسٹری بیوشن) نے اِنسپکشن اورکنکشن منقطع کی بڑھتی ہوئی مہمات کو سراہا جو بجلی کی صورتحال بالخصوص سرمائی مہینوں میں بہتری کے لئے بہت اہم ہیں۔
میٹنگ کو بتایا گیا کہ رواں مالی برس کے دوران کے پی ڈی سی ایل نے صوبہ کشمیر میں۷۸ہزار۶۷۳ اِنسپکشن کئے اور۳۱ہزار۷۰۶ کنکشنوں کو باقاعدہ بنایا ہے۔ کے پی ڈی سی ایل نے بجلی کے واجبات کی عدم ادائیگی کی وجہ سے ۱۳ہزار۲۲۹صارفین کا رابطہ بھی منقطع کیاہے جس کیلئے صرف نومبر میں نادہندگان سے۸۳ء۴کروڑ روپے کے بقایا جات وصول کئے گئے۔
منیجنگ ڈائریکٹر کے پی ڈی سی ایل نے بجلی چوری کے خلاف بڑے پیمانے پر مہم چلانے پر تمام الیکٹرک ڈویژنوں کی کارکردگی کو سراہتے ہوئے تمام ایگزیکٹو انجینئروں کو بِلنگ اور کلیکشن کی کارکردگی کو بہتر بنانے کا مشورہ دیا جو اے ٹی اینڈ سی کے نقصانات کو کم کرنے کا بنیادی نکتہ ہے۔ اُنہوں نے متعلقہ ایس ڈی اوز کی ذمہ داری مقرر کی کہ وہ ریونیو وصولی کو مزید بہتر بنائیں جن کی مسلسل نگرانی کی جائے گی۔
اسلام نے ڈی ٹی نقصان کی شرح میں معمولی اِضافے پر تشویش کا اظہار کرتے ہوئے تمام اے اِی ایز کو ہدایت دی کہ وہ نئے نظرثانی شدہ نامزد پورٹل پر متعلقہ تفصیلات کی کلید کرتے ہوئے طے شدہ ٹائم لائن کے اندر خراب ٹرانسفارمروںکے لاگ کو برقرار رکھیں اور اس کی تبدیلی کو یقینی بنائیں۔
ایم ڈی نے ایس ایز کو بھی ہدایت دی کہ وہ بجلی کی فراہمی کی رئیل ٹائم بحالی کے لئے برف باری کے بعد کی تیاری کے منصوبے تیار کریں۔ اُنہوں نے اِی ایز کو مشورہ دیا کہ وہ موسم کی پیش گوئی پر بھی نظر رکھیں جس سے اُنہیں پہلے سے اَفراد اور مشینری کو متحرک کرنے کی اِجازت ملے گی۔