اکتوبر تک 7.85 کروڑ انکم ٹیکس ریٹرن داخل کیے گئے

نئی دہلی// محکمہ انکم ٹیکس نے آج کہا کہ سال 2023-24 کے لیے 31 اکتوبر تک 7.85 کروڑ انکم ٹیکس ریٹرن داخل کیے گئے ہیں۔
یہاں ڈیٹا جاری کرتے ہوئے محکمہ نے ٹیکس دہندگان اور ٹیکس پیشہ ور افراد کی بروقت تعمیل کے لیے تعریف کی اور کہا کہ آئی ٹی آر7 کے علاوہ ریٹرن فائل کرنے کی آخری تاریخ 31 اکتوبر تھی۔ محکمہ نے ان لوگوں سے بھی اپیل کی ہے جنہوں نے ابھی تک ریٹرن فائل نہیں کیے ہیں وہ وقت پر ٹیکس کی تعمیل کریں۔
سال 2023-24 کے لیے 31 اکتوبر تک داخل کیے گئے کل ریٹرن اب تک کی سب سے زیادہ 7.85 کروڑ ریٹرن ہیں جب کہ سال 2022-23 کے لیے 7.78 کروڑ ریٹرن فائل کیے گئے تھے ۔