تو صاب خبر… ایک دم تازہ خبر یہ ہے کہ ہمسایہ ملک پاکستان کے سابق وزیرا عظم میاں نواز شریف خود ساختہ جلا وطنی کے بعد ملک لوٹ آئے ہیں…اس امید سے آئے ہیں کہ آئندہ سال کے اوائل میں جب پاکستان میںا نتخابات ہوں گے تو… تو ان کی جماعت‘ مسلم لیگ ن اقتدار میں آجائیگی … امید سے زیادہ میاں صاحب کو اس بات کا یقین ہے… اگر نہیں ہو تا… یقین نہیں ہوتا تو…تو یقین کیجئے کہ میاں صاحب ملک واپس نہیں لوٹ آتے اور… اور اس لئے نہیں آتے کہ انہیں وہاں کئی مقدموںکا جو سامنا ہے… ہمارا ہمسایہ بھی ایک عجیب ملک ہے… ایسا جس کا کوئی ثانی نہیں اور… اور اس لئے نہیں ہے کہ وہاں کے سیاستدان… وزرائے اعظم معیاد مکمل ہونے سے پہلے ہی جیل جاتے ہیں یا پھر انہیں ملک چھوڑ کر جانا پڑتا ہے… میاں صاحب جیل میں تھے تو ان کے حریف خان صاحب… عمران خان صاحب وزیر اعظم تھے… اب کل کو میاں صاحب اگر وزیر اعظم بنتے ہیں تو… تو خان صاحب کا بندو بست تو پہلے کیا گیا ہے اور… اور وہ جیل میں ہیں… ہمسایہ ملک کے سیاستدان اقتدار سے بے دخلی برداشت نہیں کرپاتے ہیں اور… اور اسے دو بارہ حاصل کرنے کیلئے کسی بھی حد تک جا سکتے ہیں… جیسے اپنے خان صاحب گئے…لیکن انہیں اقتدار تو دو بارہ نہیں ملا … البتہ جیل ضرور مل گئی ۔اور یہ بات میاں صاحب کو خوش نہیں بلکہ بہت خوش کررہی ہو گی اور… اور سچ پو چھئے تو… تو اگر خان صاحب باہر ہو تے… جیل سے باہر ہوتے تو… تومیاں صاحب اندر… ملک کے اندر نہیں ہو تے… ملک واپس نہیں آتے اور…اور لندن سے ہی ریموٹ کنٹرول ہاتھ میں لئے سیاست کرتے…ویسے یہ ریموٹ کنٹرول بھی بڑی کمال کی چیز ہے کہ… کہ دوسرے ممالک میں تو اس سے آلات کنٹرول کئے جاتے ہیں… لیکن ہمسایہ ملک میں حالات … سیاسی حالات کنٹرول کئے جاتے ہیں… یہ ریموٹ کنٹرول کسی زمانے میں الطاف حسین کے پاس بھی تھا ‘بی بی مرحومہ اور ان کے شوہر زرداری صاحب بھی اسے استعمال کر تے تھے اور…اور یہ گزشتہ چار برسوں میںمیاں صاحب کے بھی کام آیا… بہت کام آیا ۔ میا ں صاحب تو اب اپنے ملک آگئے ہیں اور… اور جنتا ہم اس ہمسایہ ملک کو جانتے ہیں ہمیں امید سے زیادہ یقین ہے کہ ان کے قدم پاکستان کی سرزمین پڑنے سے پہلے ہی عمران خان کے قدم اس سر زمین سے اکھاڑ پھینکنے کی منصوبہ سازی شروع ہو ئی ہو گی… کہ… کہ پاکستان میں تو یہی ہو تا آیا ہے… آنے جانے کا سلسلہ تو وہاں چلتا ہی رہتا ہے اور… اور یہ وہا ں کی ستاست کا ایک نا قابل تنسیخ حصہ بھی بن گیا ہے ۔ ہے نا؟