یجریوال نے مودی حکومت پر جھوٹے مقدمات میں پھنسانے کا الزام لگایا

نئی دہلی// دہلی کے وزیر اعلی اروند کیجریوال نے مرکزی حکومت کو تنقید نشانہ بناتے ہوئے نشانہ لگاتے ہوئے الزام لگایا کہ وزیر اعظم نریندر مودی انہیں جھوٹے مقدمات میں پھنسانے کی کوشش کر رہے ہیں۔
مسٹر کیجریوال نے پیر کو کہا ”سال 2015 کا یہ واقعہ ہے ۔ مودی حکومت 2015 سے مجھے جھوٹے مقدمات میں پھنسانے کی کوشش کر رہی ہے ۔ لوگوں پر طرح طرح کا دباؤ ڈالا جاتا ہے اور ان سے کہا جاتا ہے کہ وہ میرے خلاف بیان دیں۔ بہت سے لوگوں کو تشدد کا نشانہ بھی بنایا گیا۔”
مسٹر کیجریوال نے کہا کہ ملک کے لیے کام کرنے کی بجائے وزیر اعظم نریندر مودی اپنے مخالفین کو جھوٹے مقدمات میں پھنسانے کے لیے 24 گھنٹے سازشیں کرتے رہتے ہیں۔
اس کے ساتھ ہی آپ کے لیڈروں نے یہ بھی الزام لگایا کہ بھارتیہ جنتا پارٹی اور اس کے لیڈرعام آدمی پارٹی کی مقبولیت اور توسیع سے خوفزدہ ہیں۔