آتشزدگی میں۳رہائشی مکانات گائو خانہ اور بیکری کارخانہ خاکستر

سرینگر///
شمالی کشمیر کے ضلع بانڈی پورہ کے کلمقام علاقے میں دوران شب آگ کی ایک ہولناک واردات میں۳ رہائشی مکان‘ایک گائو خانہ اور ایک بیکری کارخانہ خاکستر ہوگئے ۔
تفصیلات کے مطابق بانڈی پورہ کے کلمقام علاقے میں منگل اور بدھ کی درمیانی شب قریب ۲بجے ایک مکان سے آگ نمودار ہوئی جس کے شعلوں نے متصل مکانوں کو اپنی لپیٹ میں لے لیا۔
ذرائع نے کہا کہ فائر ٹنڈرس، پولیس اور مقامی لوگوں نے گرچہ آگ کو قابو میں کرکے مزید پھیلنے سے روک دیا تاہم۳رہائشی مکانوں، ایک گائو خانے اور ایک بیکری کارخانے کو خاکستر ہونے سے نہ بچا سکے ۔
ان کا کہنا تھا کہ اس واردات میں۳گائے اور کچھ بھیڑ بھی آگ کی نذر ہوگئے ۔
ایک متاثرہ نے میڈیا کو بتایا کہ رات کو میں نے جب آگ دیکھی تو میں نے شور مچایا اور کچھ سامان باہر نکالنے کی کوشش کی۔
متاثرہ نے کہا کہ گرچہ لوگ بھی بڑٰی تعداد میں جمع ہوئے اور آگ کو بجھانے کی کوشش کی لیکن آگ اس قدر بھیانک تھی کہ میں کچھ بھی بچا نہ سکا۔