’اے بی ایچ اے کارڈ ہیلتھ ریکارڈ رکھنے کیلئے انتہائی ضروری ہے‘

سرینگر//
ڈائریکٹر ہیلتھ سروسز کشمیر ‘ڈاکٹر مشتاق احمد راتھر نے لوگوں سے آیوشمان بھارت ہیلتھ اکائونٹ (اے بی ایچ اے) کارڈ بنانے کی تاکید کرتے ہوئے کہا کہ یہ کارڈ ہیلتھ ریکارڈ رکھنے کے لئے انتہائی ضروری ہے۔
ڈاکٹر راتھرنے کہا کہ اس کارڈ سے مریض کو ہسپتال میں علاج کرانے کے لئے لمبی قطار میں کھڑا رہنے کی تکلیف اٹھانے سے نجات ملے گی۔
ڈائریکٹرہیلتھ نے ان باتوں کا اظہار منگل کو یہاں بٹہ مالو میں ایک جانکاری مہم کے دوران نامہ نگاروں کے ساتھ بات کرنے کے دوران کیا۔
ڈاکٹر راتھر نے کہا’’لوگ اپنے اپنے سینٹروں پر جا کر اے بی ایچ اے کارڈ، گولڈن کارڈ بنائیں یہ مریض کا ہیلتھ ریکارڈ رکھنے کیلئے بہت ضروری ہے‘‘۔ان کا کہنا تھا کہ یہ کارڈ ہیلتھ فیسلٹی پر بھی رہے گا اور مریض کے پاس بھی رہے گا۔
ڈائریکٹرہیلتھ نے کہا کہ اس کارڈ کی وساطت سے مریض کو ہسپتال میں علاج کرانے کے لئے لمبی قطار میں کھڑا رہنے کی تکلیف سے نجات ملے گی۔انہوں نے کہا’’مریض جہاں بھی ہوگا وہ وہاں اس کارڈ کو دکھائے گا تو اس کا سارا ہیلتھ ریکارڈ سامنے آئے گا‘‘۔
ڈاکٹرراتھر کا کہنا تھا کہ لوگ سے ہی اس کارڈ پر ڈاکٹر سے وقت لے کر اپنا علاج بغیر کسی تکلیف کے کرا سکتے ہیں۔