تو صاحب اپنے ’انڈیا‘ کاکہنا ہے کہ وہ ہمیشہ الیکشن کیلئے تیار رہتا ہے… جب بھی الیکشن … لوک سبھا الیکشن ہوں گے‘وہ تیار ہے اور… اور سچ پو چھئے تو ہمیں ’انڈیا‘ کی اس بات پر یقین نہیں بلکہ بہت زیادہ یقین ہے اور… اور اس لئے ہے کیوں کہ ہارنے کیلئے کوئی تیاری نہیں کرنی پڑتی ہے… اس کیلئے کسی خاص تیاری کی ضرورت نہیں ہو تی ہے… بالکل بھی نہیں ہوتی ہے ۔ اس لئے جب بھی بھارت میں لوک سبھا الیکشن ہوں گے…’انڈیا‘ ان انتخابات میں حصہ لے گا اور… اور ہار جائیگا … اس کی ہار ہو جائیگی جس کیلئے یہ تیار ہے ۔ نہیں صاحب ہم نے کب کہا کہ ہم کوئی نجومی ہیں… ہم تو ایسا ویسا کچھ نہیں کہا…ہم اگر یہ کہہ رہے ہیں کہ’ انڈیا‘ہارنے کیلئے تیار ہی تو … تو اس کی وجہ ہے اور… اور وجہ ’انڈیا‘ ہے کوئی اور نہیں … بالکل بھی نہیں ۔ ’انڈیا‘ ایک ساتھ اس لئے ہو گیا ہے تاکہ وہ مل کر بی جے پی کو ہرائے… یعنی ’انڈیا‘ میں شامل جماعتیں جب ایک ہو جائیں اور مل کر الیکشن لڑیں گی تو… تو تب جا کے وہ بی جے پی کو ہرائیں گی… یعنی ’انڈیا‘ کی جیت کا منترا ایک ہی ہے اور… اور وہ ہے مل کر الیکشن لڑنا… ایک ساتھ ہو کر الیکشن لڑا… جب یہ جماعتیں ایک ساتھ الیکشن نہیں لڑیں گی… ایک دوسرے کیلئے قربانی کا جذبہ پیدا نہیں کریں گی تو… تو یہ الیکشن نہیں جیت پائیں گی… اور اللہ میاں کی قسم بالکل ایسا ہی ہو رہا ہے کہ … کہ خبر یہ ہے کہ … کہ کئی ریاستوں میں ’انڈیا‘ کی حلیف جماعتیں ایک دوسرے کیلئے نشستیں چھوڑنے کیلئے تیار نظر نہیں آ رہی ہیں… بائیں باز و نے کہا ہے کہ وہ بنگال اور نہ کیریلا میں کوئی اتحاد کرے گا … جب کچھ دوسری ریاستوں سے بھی کچھ ایسی ویسی ہی خبریں آ رہی ہیں کہ… کہ اگر ایسی خبر نہیں آ رہی ہوتیں… اگر نشستوں کی تقسیم پر’انڈیا‘ میں کوئی اختلاف نہیں ہو تاتو… تو ’انڈیا‘ کے بانی نتیش یادو کو بار بار یہ نہیں کہنا پڑتا اور… اور بالکل بھی نہیں کہنا پڑتا کہ انڈیا‘ میں کوئی اختلاف نہیں ہے… ’انڈیا‘ میں سب کچھ ٹھیک ہے … اور سو فیصد ٹھیک ہے ۔لیکن وہ جانتے ہیں کہ سب کچھ ٹھیک نہیں ہے اور… اور اسی لئے نتیش یادو نے کہا کہ… کہ’انڈیا‘ الیکشن کیلئے تیار ہے… الیکشن ہارنے کیلئے تیار ۔ ہے نا؟