پرتاپ گڑھ// راجستھان کے وزیر اعلی اشوک گہلوت ہفتہ کو پرتاپ گڑھ کے دھریاواڑ پہنچے اور عصمت دری کیس کی متاثرہ لڑکی اور اس کے اہل خانہ سے ملاقات کی۔
اس دوران مسٹر گہلوت نے کہا کہ ایسے واقعات اور ان میں ملوث مجرموں کی مہذب معاشرے میں کوئی جگہ نہیں ہے ۔ ایسے افسوسناک اور غیر انسانی واقعات کی یک آواز ہوکر مذمت کی جانی چاہیے ۔ وزیر اعلیٰ نے کہا کہ ان مجرموں کے خلاف فاسٹ ٹریک کورٹ میں مقدمہ چلا کر انہیں سخت ترین سزا دی جائے گی۔
وزیراعلیٰ نے متاثرہ خاتون کو دس لاکھ روپے کی مالی امداد اور سرکاری نوکری کا اعلان کیا۔ انہوں نے کہا کہ خواتین کے خلاف جرائم کی روک تھام ہماری اولین ترجیح ہے ۔ پرتاپ گڑھ واقعہ میں پریہار اور سسرالیوں کے خاندانی جھگڑے میں سسرال والوں کی حرکت انتہائی قابل مذمت ہے ۔ انہوں نے کہا کہ واقعہ کی اطلاع ملتے ہی ایڈیشنل ڈائرکٹر جنرل آف پولیس (کرائم) کو موقع پر جانے اور اس معاملے میں سخت کارروائی کرنے کی ہدایت دی گئی۔
انہوں نے کہا کہ واقعہ کی اطلاع ملتے ہی پولیس کے اعلیٰ حکام موقع پر پہنچ گئے اور فوری کارروائی کرتے ہوئے پولیس نے چند گھنٹوں میں تمام ملزمان کو اپنی تحویل میں لے لیا۔