راہل گاندھی موٹر سائیکل پر پینگ گانگ جھیل پہنچے

لہیہ//
سینئر کانگریس لیڈر راہل گاندھی اپنے والد اور سابق وزیر اعظم راجیو گاندھی کا یوم پیدائش منانے کیلئے موٹر سائیکل پر پینگ گانگ جھیل پہنچیں ۔
اطلاعات کے مطابق کانگریس کے سینئر لیڈر راہل گاندھی ہفتے کے روز اپنے والد اور سابق وزیر اعظم راجیو گاندھی کا یوم پیدائش منانے کی خاطر موٹر سائیکل پر سوار ہو کرپینگ گانگ جھیل پہنچ گئے۔
سوشل میڈیا پلیٹ فارم انسٹا گرام پر راہل نے لکھا کہ ہمارے راستے میں پینگ گانگ جھیل، جس کے بارے میں میرے والد کہتے تھے کہ یہ دنیا کی خوبصورت ترین جگہوں میں سے ایک ہے ۔
بتادیں کہ جموںکشمیر کو دو مرکزی زیر انتظام علاقوں میں تقسیم کرنے کے بعد راہل گاندھی کا یہ لداخ کا پہلا دورہ ہے ۔
کانگریس ذرائع نے بتایا کہ راہل گاندھی جمعرات کو لداخ کے دو روزہ دورے پر لہیہ پہنچے تھے ۔جمعے کے روز راہل گاندھی نے لہیہ میں نوجوانوں سے گفت وشنید کی ۔
راہل گاندھی کا لداخ میں مزید کئی روز تک قیام کرنے کا پروگرام ہے جس دوران وہ کانگریس کے سینئر لیڈران سے بھی ملاقی ہونگے ۔