جموں کشمیر کے عازمین حج کی قرعہ اندازی ہفتہ کو ہوگی

سرینگر //
جموں و کشمیر کے سرینگر بین الاقوامی ہوائی اڈے سے عازمین حج کا پہلا قافلہ ۳۱ مئی کو براہ راست جدہ کے لیے روانہ ہوگا۔
دو سال کے بعد رواں برس جموں کشمیر سے تقریباً۵۲۰۰؍ افراد حج کا فریضہ انجام دینے کیلئے روانہ ہوں گے۔
جموں وکشمیر حج کمیٹی کے مطابق ۳۰؍ اپریل کو قرعہ اندازی کی جائے گی۔ حج۲۰۲۲ کے لئے جموں و کشمیر حج کمیٹی کو مجموعی طور ۱۰ ہزار درخواستیں موصول ہوئی تھیں۔ تاہم ان میں سے سات ہزار سے زائد درخواستوں کو ہی اہل پایا گیا جن کی قرعہ اندازی رواں ماہ کے آخر میں کی جائے گی۔
امسال مرکزی حج کمیٹی کو ایک سے کم درخواستیں موصول ہوئی ہیں جبکہ سعودی حکومت کی جانب سے حج ۲۰۲۲ کیلئے۱۰ لاکھ ملکی اور غیر ملکی افراد کی سعادت حاصل کرنے کی اجازت دی ہے۔
کرونا وائرس کی وجہ سے غیر ملکی عازمین حج گزشتہ دو برسوں سے سفر محمود کی سعادت سے محروم تھے۔ اب حالات معمول آنے کے بعد سعودی حکومت نے احتیاطی تدابیر کی شرائط کے ساتھ عالمی سطح پر ۱۰ لاکھ افراد کو سفر حج کی اجازت دی ہے۔
واضح رہے کہ سعودی عرب نے۱۰؍ اپریل کو اعلان کیا تھا کہ وہ آئندہ حج سیزن میں ۱۰ لاکھ ملکی اور غیر ملکی عازمین کو مکہ مکرمہ میں فریضہ حج کی ادائیگی میں شامل ہونے کی اجازت دے گا۔
عام دنوں میں ۲۵ لاکھ سے زائد عازمین حج اس مقدس فریضہ کی ادائیگی میں شامل ہوتیہیں، تاہم، مملکت نے۲۰۲۰‘۲۰۲۱؍ اور۲۰۲۲ میں بھی کووڈ ۱۹وبائی امراض کے سبب حجاج کی تعداد تقریباً ختم کر دی تھی۔
سعودی وزارت حج و عمرہ کے ذرائع سے حاصل کردہ تفصیلات کے مطابق بھارت کو ۷۹ہزار۲۳۷‘ پاکستان کو۸۱ہزار۱۳۲؍ اور انڈونیشیا کو ایک لاکھ ۵۱ کا کوٹہ الاٹ کیا گیا ہے۔
سعودی عرب کے وزارت حج و عمرہ نے کی جانب سے کہا گیا ہے کہ بھارت،پاکستان، بنگلہ دیش، انڈونیشیا، برطانیہ سمیت دیگر ممالک کو سال ۲۰۲۲کیلئے عارضی حج کوٹہ جاری کیاگیاہے۔وزارت کی جانب سے کہاگیا ہے کہ ’انڈونیشیا کو سب سے زیادہ حصہ ملتا ہے جس کے بعد پاکستان اور بھارت کا نمبر آتا ہے‘۔