سب کی نظریں بمراہ کی فٹنس پر ہوں گی

ممبئی//
آئرلینڈ کے خلاف 18 اگست سے شروع ہونے والی تین میچوں کی ٹی20 سیریز میں جسپریت بمراہ کی گیند بازی ڈریسنگ روم کے ساتھ ساتھ ہندوستانی مداحوں کے لئے توجہ کا مرکز ہوگی۔
کمر کی چوٹ کی وجہ سے طویل عرصے سے باہر رہنے والے بمراہ ٹیم انڈیا کی کمانسنبھالیں گے۔ اب وہ مکمل طور پر فٹ ہے۔ آئرلینڈ پہنچنے کے بعد بمراہ کو نیٹ میںجارحانہ گیند بازی کرتے ہوئے دیکھا گیا، جس کی ویڈیو بی سی سی آئی نے سوشل میڈیا پر شیئر کی ہے۔
دراصل، ہندوستانی ٹیم نے آج آئرلینڈ میں اپنا پہلا پریکٹس سیشن کیا۔ سیشن کے آغاز میں، بمراہ نے گیند کو اپنے ہاتھ میں لیا اور نیٹ میں گیند کرتے ہوئے نظر آئے۔ اس دوران وہ زبردست رفتار اور درست لائن لینتھ کے ساتھگیندبازی کرتے نظر آئے۔ ویڈیو میں انہوں نے پہلے بلے باز کو اپنے خطرناک باو¿نسر سے پریشان کیا اور بعدمیں درست یارکر ڈال کر چاروں بلے بازوں کو آو¿ٹ کیا۔
ویڈیو شیئر کرتے ہوئے بی سی سی آئی نے کیپشن میں لکھا، ”وہ لمحہ جس کا ہم سب انتظار کر رہے تھے۔ جسپریت بمراہ جنہیں ہم ہمیشہ اسی طرح کی گیند بازی کے لیے جانتے ہیں۔“
غور طلبہے کہ بمراہ نے اپنا آخری بین الاقوامی میچ ستمبر 2022 میں آسٹریلیا کے خلاف کھیلا تھا۔ ٹیم کے ساتھ ساتھ مداح بھی ان کی کمی کافی عرصے سے محسوس کر رہے تھے۔ اس سیریز میں ان کی فٹنس کیسی ہے اس پر سب کی نظر رہے گی۔ اس کی بنیاد پر انہیں ایشیا کپ اور ورلڈ کپ 2023 کے اسکواڈ میں شامل کرنے کا حتمی فیصلہ کیا جائے گا۔