امرناتھ یاترا:یاتریوں کا ایک اور جھتا جموں سے روانہ

جموں//
سرینگر‘ جموں قومی شاہراہ پر ٹریفک کی نقل و حمل کی بحالی کے بعد جموں کے بھگوتی نگر بیس کیمپ سے جمعرات کی صبح یاتریوں کا ایک اور جھتا شری امرناتھ جی کی یاترا کے لئے کشمیر روانہ ہوا۔
بتادیں کہ سرینگر‘جموں قومی شاہراہ پر بدھ کے روز رام بن میں مٹی کے تودے گر آنے کی وجہ سے قریب ۱۸ گھنٹوں تک ٹریفک کی نقل وحمل رو ک دی گئی تھی جس کے پیش نظر جموں سے یاتریوں کے کشمیر روانہ ہونا کا سلسلہ معطل کر دیا گیا تھا۔
ٹریفک حکام کا کہنا ہے کہ قومی شاہراہ پر جمعرات کی صبح دو طرفہ ٹریفک کی نقل و حمل کی اجازت دی گئی ہے ۔
سرکاری ذرائع کے مطابق جموں کے بھگوتی نگر بیس کیمپ سے جمعرات کی صبح یاتریوں کا۳۷واں قافلہ کشمیر کے لئے روانہ ہوا۔ذرائع نے کہا کہ۹۹۹یاتریوں پر مشتمل یاتریوں کا یہ جھتا۳۳چھوٹی بڑی گاڑیوں میں سخت سیکورٹی بندو بست کے بیچ ننون پہلگام اور بالتل بیس کیمپوں کی طرف روانہ ہوا۔
ان کا کہنا تھا کہ ننون بیس کیمپ کیلئے۵۷۷ یاتری جبکہ بالتل بیس کیمپ کیلئے۴۲۲یاتری روانہ ہوئے ۔
یکم جولائی سے شروع ہونے والی اس یاترا کیلئے اب تک زائد از ساڑھے چار لاکھ یاتریوں نے پوتر گھپا کا درشن کیا ہے ۔
سال گذشتہ ۳لاکھ۶۰ہزار یاتریوں نے ہی پوتر گھپا کا درشن کیا تھا۔
۶۲دنوں پر محیط یاترا۳۱؍اگست کو شرون پورنیما کے موقع پر اختتام پذیر ہوگی۔