سرینگر//
جنوبی کشمیر کے ضلع اننت ناگ میں بدھ کے روز چلتی ٹرین سے گر نے کے باعث مسافر کی برسر موقع ہی موت واقع ہوئی۔
ذرائع نے بتایا کہ قاضی گنڈ صدورا سیکشن کے قریب چلتی ٹرین سے۵۱سالہ شہری گر کر شدید طورپر زخمی ہوا۔
معلوم ہوا ہے کہ مذکورہ شخص کو علاج ومعالجہ کی خاطر نزدیکی ہسپتال منتقل کیا گیا تاہم وہاں پر تعینات ڈاکٹروں نے اسے مردہ قرار دیا۔
متوفی کی شناخت عبدالسلام حاجی ولد غلام محمد ساکن زملگام بونہ گنڈ ویری ناگ کے بطور ہوئی ہے ۔
پولیس نے اس سلسلے میں کیس درج کرکے مزید تحقیقات شروع کی ۔
اس دوران اننت ناگ کے بجبہاڑہ علاقے میں بدھ کو پیش آئے ایک سڑک حادثے میں کم از کم سات افراد زخمی ہو گئے ۔
ذرائع نے بتایا کہ قومی شاہراہ پر آروانی بجبہاڑہ کراسنگ کے قریب ایک نجی کار اور مسافر گاڑی کے درمیان ٹکر ہوئی، جس کے نتیجے میں سات افراد زخمی ہوگئے۔زخمیوں کو ایس ڈی ایچ بجبہاڑہ منتقل کیا گیا جہاں سے ایک شدید زخمی کو خصوصی علاج کے لیے جی ایم سی اننت ناگ منتقل کیا گیا۔