’جوانوں کی قربانیوں کو کبھی فراموش نہیں کریں گے‘

سرینگر//
۲۴ویں کرگل وجے دیوس پر فوجی جوانوں کو شاندار خراج عقیدت پیش کرتے ہوئے فوج کے سر براہ جنرل منوج پانڈے کا کہنا ہے کہ ملک سال۱۹۹۹میں اپنی جانوں کی قربانیاں پیش کرنے والے فوجی جوان لوگوں کے دلوں میں ہمیشہ زندہ رہیں گے ۔
جنرل پانڈے نے کہا کہ ملک ان بہادر جوانوں کی قربانیوں کو کبھی فراموش نہیں کرے گا۔ان کا کہنا تھا کہ آپریشن وجے انتہائی کٹھن آپریشن تھا جس کو ہمارے جوانوں نے بخوبی انجام دیا۔
فوجی سربراہ نے ان باتوں کا اظہار بدھ کو۲۴ویں کرگل وجے دیوس کے موقع پر دراس میں اپنے خطاب کے دوران کیا۔
قبل ازیں انہوں نے کرگل جنگ کی یاد گار پر پھول مالا چڑھائی۔انہوں نے کہا’’سال۱۹۹۹میں کرگل جنگ کے دوران قربانیاں پیش کرنے والے بہادر جوانوں کو ملک کبھی فراموش نہیں کرے گا‘‘۔
’آپریشن وجے‘کا تذکرہ کرتے ہوئے ان کا کہنا تھا’’ آپریشن وجے ایک انتہائی کٹھن آپریشن تھا،بنجر، برفیلی اور اونچی چوٹیاں، جو دشمن کے قبضے میں تھیں، فوج کیلئے ایک چلینج تھیں لیکن پمارے بہادر جوانون نے اپنا کام بخوبی انجام دیا‘‘۔
جنرل پانڈے نے کہا کہ ملک کرگل جنگ کے دوران قربانیاں پیش کرنے والے بہادر جوانوں کو کبھی فراموش نہیں کرے گی۔
فوجی سربراہ نے کہا کہ قوم ان جوانوں کی ہمیشہ مقروض رہے گی۔
فوج سربراہ کے علاوہ چیف آف ڈیفنس اسٹاف جنرل انیل چوہان اور بحریہ کے سربراہ ایڈمرل آر ہری کمار نے بھی کرگل جنگ یاد گار پر پھولوں کی چادر چڑھا کر فوجی جوانوں کو شاندار خراج عقیدت پیش کیا۔
بتادیں کہ کرگل وجے دیوس پاکستان پر بھارت کی فتح کی یاد کے طور پر منایا جاتا ہے ۔