وادی میں بارشوں سے لوگوں کو شدید گرمی سے راحت‘ مزید بارشوں کا امکان

سرینگر///
محکمہ موسمیات کی پیش گوئی کی عین مطابق ہونی والی بارشوں سے وادی کشمیر میں لوگوں کو شدید گرمی سے راحت نصیب ہوئی ہے ۔
ادھر متعلقہ محکمے کے ایک ترجمان نے وادی میں مزید بارشوں کی پیش گوئی کی ہے ۔انہوں نے کہا کہ وادی میں اگلے چوبیس گھنٹوں کے دوران رک رک کر ہلکی سے درمیانی درجے کی بارشوں کا امکان ہے ۔
ترجمان کا کہنا تھا کہ وادی میں۲۷جون کو بھی رک رک کر بارشیں ہوسکتی ہیں جبکہ جموں میں صبح کے وقت بھاری بارشوں کی توقع ہے ۔
ترجمان نے بتایا کہ بعد ازاں وادی میں۲۸؍اور۲۹کو بھی موسم کی یہی صورتحال جاری رہ سکتی ہے جبکہ۳۰جون کو مطلع ابر آلود رہ سکتا ہے اور شام کے وقت بارشوں کا امکان ہے ۔انہوں نے کہا کہ اس دوران مقامی ندی نالوں میں پانی کے ریلے آسکتے ہیں جبکہ جموں میں کہیں کہیں مٹی کے تودے گر آسکتے ہیں۔
ان کا کہنا تھا کہ دریائوں اور ندی نالوں میں پانی کی سطح بڑھ سکتی ہے ۔
لوگوں سے مون سون کے فعال مرحلے کے دوران ہوشیار رہنے کی تاکید کی گئی ہے ۔
محکمہ موسمیات کے مطابق سرینگر میں گذشتہ چوبیس گھنٹوں کے دوران۸ء۲۶ملی میٹر بارش ریکارڈ ہوئی ہے جبکہ قاضی گنڈ میں۲ء۵۰ملی میٹر، پہلگام میں۷ء۱۰ملی میٹر، کپوارہ میں۷ء۳ملی میٹر، گلمرگ میں۲ء۱۲ملی میٹر بارش ریکارڈ ہوئی ہے ۔
دریں اثنا وادی میں بارشوں کے باوجود شبانہ درجہ حرارت معمول سے زیادہ ریکارڈ ہوا ہے ۔
دارلحکومت سری نگر میں کم سے کم درجہ حرارت۶ء۱۷ڈگری سینٹی گریڈ ریکارڈ کیا گیا جو معمول سے۳ء۰ڈگری سینٹی گریڈ زیادہ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۰ء۱۱ڈگری سینٹی گریڈ ریکارڈ کیا گیا۔وادی کے دوسرے مشہور سیاحتی مقام پہلگام میں کم سے کم درجہ حرارت۸ء۱۳ ڈگری سینٹی گریڈ ریکارڈ کیا گیا جو معمول سے۱ء۳ڈگری سینٹی گریڈ زیادہ ریکارڈ ہوا تھا۔
شمالی ضلع کپوارہ میں کم سے کم درجہ حرارت۴ء۱۵ڈگری سینٹی گریڈ ریکارڈ کیا گیا جو معمول سے۸ء۱ڈگری سینٹی گریڈ زیادہ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت۶ء۱۶ڈگری سینٹی گریڈ ریکارڈ کیا گیا جو معمول سے۹ء۰ڈگری سینٹی گریڈ زیادہ ریکارڈ ہوا تھا۔
لداخ یونین ٹریٹری کے ضلع لیہہ میں کم سے کم درجہ حرارت۰ء۸ڈگری سینٹی گریڈ جبکہ ضلع کرگل میں کم سے کم درجہ حرارت۹ء۱۸ڈگری سینٹی گریڈ ریکارڈ ہوا ہے ۔