بانڈی پورہ:بہن کی ڈوب کر موت واقع ہونے کے چند گھنٹے بعد بھائی بھی دم توڑ گیا

سرینگر//
شمالی کشمیر کے ضلع بانڈی پورہ کے شہہ تل پورہ سمبل میں بہن کی بھائی کو بچانے کیلئے اپنی جان دینے کی قربانی ثمر آور ثابت نہ ہوسکیں۔
ذرائع نے بتایا بہن کی غرقآب ہوکر موت واقع ہونے کے چند گھنٹے بعد بھائی بھی پیر کی صبح سری نگر کے ہسپتال میں دم توڑ گیا۔
بتادیں کہ شہہ تل پورہ سمبل میں اتوار کے روز نہانے کے دوران۲۱سالہ نزاکت علی غرقآب ہوگیا اس دوران اس کی بہن۱۸سالہ نزہت افضل نے بھائی کو بچانے کیلئے دریا میں چھلانگ لگا دی۔
ذرائع نے بتایا کہ واقع پیش آتے ہی مقامی لوگ جمع ہوئے اور پولیس اور ایس ڈی آر ایف کی ٹیم نے دونوں بھائی بہن کو پانی سے نکال کر ہسپتال منتقل کیا جہاں ڈاکٹروں نے بہن کو مردہ قرار دیا جبکہ بھائی کو جی وی سی ہسپتال میں نازک حالت میں داخل کیا گیا جہاں سے اس کو شیر کشمیر انسٹی ٹیوٹ آف میڈیکل سائنسز صورہ منتقل کیا گیا۔
ذرائع نے کہا کہ ڈاکٹروں کی تمام تر کاوشوں کے باوجود نزاکت علی بھی پیر کی صبح دم توڑ گیا۔
دریں اثنا بھائی بہن کی موت سے علاقے میں ماتم کا ماحول سایہ فگن ہے ۔